Përfundoi turneu i këngëtares Desi Dobreva në ShBA

botuar më 10-12-14 12.54.MD

Foto: BGNES

AUDIO

Update Required To play the media you will need to either update your browser to a recent version or update your Flash plugin.

Para pak kohe këngëtarja Desi Dobreva dha një sërë koncertesh në SHBA. I pari u zhvillua gjatë muajit nëntor në Las Vegas, kurse ai i fundit – gjatë dhjetorit në Boston. Desi Dobreva është ambasadore zyrtare e vullnetit të mirë e fushatës “Delegat bullgar i të rinjve 2010 – 2011” pranë OKB-së. Koncertet e saj janë lidhur me disa përvjetorë: 55 vjet nga hyrja e Bullgarisë në OKB, 25 vjet nga themelimi i Vitit ndërkombëtar të rinisë dhe 5 vjet nga organizimi i iniciativës “Delegat i OKB-së”.

Gjatë vitit 2010 këngëtarja mori çmimin Interpretuese e vitit me rastin e Çmimeve vjetore muzikore të BG radios. Ajo fitoi dhe çmimin e dytë të festivalit Asia New Singer Festival në Kinë (një prej forumeve më të mëdha ndërkombëtare) për muzikë pop të shteteve aziatike. Ai u zhvillua në fillim të muajit maj të vitit 2010. Bullgaria mori pjesë për herë të dytë në këtë konkurs bashkë me përfaqësues të akoma 20 shteteve, ndër të cilët vetëm 10 arritën deri në seleksionimin përfundimtar. Ndër ta ishte dhe Desi Dobreva. Ajo u paraqit me një këngë prej repertorit të Whitney Houston dhe me “Ederlezi” (një prej këngëve më të njohura rome.)

Desi Dobreva mëson këndim nga mosha 16 vjeç. Ka mbaruar shkollë muzikore, pas kësaj dhe dy fakultete të Akademisë Muzikore në Sofje. Emri i Desi u bë i njohur pas paraqitjes së saj në shoun televizive “Shouja e Sllavit” dhe në koncertet e saj me “Ku-ku bend”. Këngëtarja e re ka një diplomë nga kolegji i njohur prestigjioz “Berklee” në Boston të SHBA-së. Gjatë studimeve të saj atje ajo kishte një shou të vet në klubin elitar në Nju Jork “The blue note”. Vetë kitaristi i grupit U2 – David The Edge ia dorëzoi diplomën. Desi është mbajtëse e shumë çmimeve nga konkurse dhe festivale ndërkombëtare, ka dhënë shumë koncerte në Bullgari, Angli, ShBA dhe Kanada.

Po të doni të dëgjoni disa interpretime të Desi Dobrevës klikoni mbi ikonën AUDIO. Ju urojmë minuta të këndshme!

Përgatiti në shqip: Vesella Mançeva

По публикацията работи: Elena Cvetkova

Последвайте ни и в Google News Showcase, за да научите най-важното от деня!

Ndaje

Përfundoi turneu i këngëtares Desi Dobreva në ShBA

Më shumë nga rubrika

Më 24 maj, këngëtarja e njohur Lili Ivanova do të këndojë në Sallën “Olimpia” në Paris

“Pa ty” – kënga e parë e përbashkët e Grupit “Horizont” dhe këngëtares Mariana Popova

Mary Boys Band feston 30 vjetorin me një orkestër të madhe simfonike