Programi i ditës
Madhësia e tekstit
Radioja Kombëtare Bullgare © 2026 Të gjitha të drejtat janë të rezervuara

Pianisti Georgi Çerkin – brez i tretë muzikantësh

Foto: arkiv personal

Georgi Çerkin ka lindur në Sofje në vitin 1977 dhe mban emrin e gjyshit të tij – pianistit të famshëm Georgi Zllatev-Çerkin. “Mund të thuhet se tërë familja ime janë muzikantë – babai im merret me pop dhe xhaz. Unë jam trashëgimtar i violinistes së jashtëzakonshme Nedjallka Simeonova, e cila është motra e gjyshes sime. Kam shumë të afërm, të cilët gjithashtu janë lidhur me muzikën” – na tregon pianisti dhe shton se ka filluar të merret me muzikë nga kureshtja.

“Interesi im ndaj muzikës lindi që në moshën 5-6 vjeç. Njohja ime me veglën muzikore ndodhi në formën e lojës. Gradualisht fillova të njihem me tonet dhe akordet e ndryshme – thotë Georgi Çerkin – E gjithë kjo më bënte shumë të lumtur. Në moshën 7 vjeç u regjistrova në shkollën muzikore në kryeqytet, ku mësuesja ime e pianos ishte Antonina Boneva, u diplomova në akademinë “Santa Cecilia” në Itali. Atje mësova tek pedagogu i njohur Sergio Perticaroli. Më vonë specializova në Zalcburg të Austrisë te Karl-Heinz Kämmerling. Kam mësuar te muzikantë me famë botërore dhe jam shumë krenar për këtë.”

Georgi Çerkin është mbajtës i shumë çmimeve prestigjioze për kontributin e tij ndaj kulturës dhe artit bullgar – “Lira e kristaltë”, “Shekulli i artë” etj. Është laureat i një sërë konkursesh ndërkombëtare dhe kombëtare – “Alber Rusel”, “Talente të reja muzikore”, “Muzika dhe Toka”... Repertori i tij përfshin mbi 25 koncerte për piano. Interpretuesi virtuoz është bullgari i parë, i cili interpretoi në moshën 18 vjeç Koncertin e dytë për piano dhe orkestër të Rahmaninovit. Ka qenë solist i të gjitha orkestrave të njohura te ne dhe ka dhënë shumë recitale në Berlin, Bruksel, Nju Jork dhe në qytete të tjera.

“Mendoj se kam trashëguar gjenetikisht talentin e gjyshit tim. Për fat të keq ai ka vdekur dy muaj para lindjes sime dhe nuk kam kujtime për të. Kohët e fundit kam dëshirë të madhe për t’u marrë me kompozim dhe orkestrim” – thotë Georgi Çerkin. Ai është autor i orkestrimit të një sërë veprash të njohura për piano, ndër të cilat është “Stinët e vitit” vepër e Çajkovskit.

Po të klikoni mbi ikonën AUDIO do të dëgjoni interpretime të zgjedhura të Georgi Çerkinit

Përgatiti në shqip: Vesella Mançeva

По публикацията работи: Monika Aleksandrova


Последвайте ни и в Google News Showcase, за да научите най-важното от деня!

Më shumë nga rubrika

Më 24 maj, këngëtarja e njohur Lili Ivanova do të këndojë në Sallën “Olimpia” në Paris

Lili Ivanova do të këndojë për herë të dytë në sallën “Olimpia”. Koncerti parashikohet për më 24 maj 2026 dhe zhvillohet nën patronazhin e presidentit Rumen Radev, njofton ekipi i këngëtares më të madh të muzikës bullgare pop. Lili Ivanova..

botuar më 25-11-18 1.44.MD

“Pa ty” – kënga e parë e përbashkët e Grupit “Horizont” dhe këngëtares Mariana Popova

Muzikantët e Grupit “Horizont” dhe këngëtarja Mariana Popova regjistruan një këngë të përbashkët – “Pa ty”. “E njohim Marianën që nga koha kur ajo këndonte në një grup shumë të fortë “Kokomania”. Që atëherë na është bërë e preferuara jonë – me..

botuar më 25-11-18 6.10.PD

Mary Boys Band feston 30 vjetorin me një orkestër të madhe simfonike

Eventi i radhës me të cilin grupi Mary Boys Band shënon 30-vjetorin e tij është një koncert me një orkestër të madhe simfonike në sallën “Bullgaria” në Sofje më 21 nëntor. Këngëtarja në grup, Maria Mutafçieva – Mary, pranon se kjo ka qenë një..

botuar më 25-11-17 6.00.PD