Radio-historia e këngës zbavitëse bullgare

Radio-historia e këngës zbavitëse bullgare – 4

botuar më 13-03-25 10.02.PD

Pasha Hristova

Foto: Архив

AUDIO

Update Required To play the media you will need to either update your browser to a recent version or update your Flash plugin.

Estrada bullgare formohet nga fundi i viteve të 60-ta dhe në fillim të viteve të 70-ta të shekullit të kaluar. Një këngë në të vërtetë e dalluar është “Jahti i argjendtë” në interpretimin e Georgi Minçevit. Ky interpretim bën pjesë në këngët lirike me të cilat karakterizohet estrada bullgare. Muzika e asaj kohe vishet pikërisht me strofat lirike, të cilat kthehen gjithashtu dhe në patos e dramatizëm. Në atë kohë u shfaqën lëvizje të reja muzikore. Në vend organizoheshin dy festivale prestigjioze ku janë garuar këngët e raja. Njëri ishte “Orfeu i Artë” në qytetin bregdetar Slënçev brjag, kurse tjetri – “Melodia e vitit” në televizion.

Nga pjesa e këngëve me tematikë lirike e patetike një vend të posaçëm zë “Sonata e hënës”. Ajo është e kompozuar nga Angel Zaberski dhe është në interpretimin e Lili

Ivanovës. Lili Ivanova është ikona e estradës bullgare. Edhe sot zëri i saj bën publikun për vete. Në atë kohë për vendet e para te interpretueset shpeshherë garoheshin Lili Ivanova dhe Pasha Hristova. Kjo e fundit vdiq më 1971 në një aksident ajror. Interpretimi i saj mahnitës “Fryj, moj erë”, i kompozuar nga Josif Cankov u dekorua me çmimin e parë në festivalin “Orfeu i Artë” të vitit 1970.

Me një dramatizëm dhe ndjenja të thella në estradën bullgare u dalluan veprat e kompozitorit Tonço Rusev. Muzika e tij u përshtat fare mirë me performancën e Lili Ivanovës në skenë. Interpretimi “A je ëndërr” sipas tekstit të poetit të madh Pavel Matev u bë një nga hitet e ikonës së estradës bullgare. Kënga u dekorua me çmimin e parë në konkursin televiziv “Melodia e vitit” të vitit 1970.

Një mjeshtër tjetër i anës lirike të estradës bullgare është kompozitori Petër Stupel. Ai kompozoi këngën e mirënjohur “Takime të vonuara” sipas tekstit të poetit Petër Karangov. Interpretimin e paharrueshëm na e sollën dueti Maria Nejkova dhe Mihaill Bellçev.

Margret Nikollova dhe Kirill Semov

Në atë kohë autorët e këngëve zbavitëse u ngarkuan me detyrën që të pasurojnë tematikën e estradës bullgare. Rekomandimet – të drejtojnë vëmendje ndaj traditës muzikore të Bullgarisë, duke sjellë elementë komedie dhe tema lidhur me rininë. Kompozitori Atanas Bojaxhiev dhe autori i tekstit Bogomill Gudev krijuan një hit të kësaj fryme. Kënga e tyre “Ëndërrova një ëndërr” në interpretimin e duetit Margret Nikollova dhe Kirill Semov u dekorua me çmimin e parë në festivalin “Orfeu i Artë” të vitit 1969.

Këngët me tematikë qesharake gjithashtu zënë një vend special në estradën bullgare. Aleksandër Josifov kompozoi këngën “Grotesku”. Teksti është i Dimitër Tonçevit. Rrëfehet për dy banorë të Krahinës Etnografike Shoplluka (Bullgaria e Mesme Perëndimore). Ata nisen për në Evropë. Nga dritarja e trenit bullgarët shohin malet e fushat të huaja. Herë pas here këndojnë këngën e njohur popullore “Nga mali Vitosha s’ka më i lartë, nga lumi Iskër s’ka më i thellë” – me fjalë të tjera nga Bullgaria nuk ka vend më i bukur. Fatkeqësisht, kënga “Grotesku” u hoq nga eteri. Në atë kohë lideri komunist Todor Zhivkov filloi të bënte vizita nëpër Evropë dhe kënga u interpretua si ironi ndaj pushtetit. Pra, bashkëkohorët kujtojnë këtë këngë qesharake në interpretimin e aktorit Kosta Karageorgiev.

Mes këngëve me të shquara kusaruar rinisë është “Një trëndafil bullgar”. Dimitër Vëllçev e krijoi atë posaçërisht për Festivalin Botëror të Rinisë të 1968-ës në Sofje. Interpretimin e mrekullueshëm e solli Pasha Hristova.

Përgatiti në shqip: Anna Kapitanova
Fotografi: arkiv

По публикацията работи: Rozmari Statellova

Последвайте ни и в Google News Showcase, за да научите най-важното от деня!

Ndaje

Radio-historia e këngës zbavitëse bullgare – 4

Më shumë nga rubrika

Opera botërore pret një rekord të ri nga bullgarja Sonja Jonçeva

Veselin Marinov me katër koncerte radhazi para publikut në Sofje

Kryevepra të kulturës muzikore bullgare: Kënga “Njerëz dhe rrugë” nga filmi i paharrueshëm “Djali po largohet”