Drejtori artistik i festivalit “Opera open” është dirigjenti Ivan Angjellov: “Ne po mundohemi të bëjmë ngjarje, që të jetë vazhdim të festivalit të Verdit, por me aksentë të reja – tregon Ivan Angellovi. – Skena përsëri do të jetë Teatri Antik në Plovdiv, një nga kartëvizitat e qytetit. Kanë përfshirë dhe shfaqje të qarta. Mes tyre është adaptimi mbi “Perëndimi i hyjnive” nga Vagneri, me një dramaturgji interesante në kuadrin e një spektakli prej dy orëve. Kemi ftuar yllin e festivalit të Bajrojtit – Elizabet Strid. Sopranoja e re suedeze tanimë ka punuar me dirigjent dhe regjisor të njohur, kurse angazhimet e saj e shpien në Gjermani, Gjeorgji dhe ShBA. Për herë të parë ajo do të jetë për vizitë në Bullgari. Në program ka koncert, me të cilin do të shënojmë 100 vjetorin nga lindja e Boris Hristovit. I ftuar do të jetë gjeorgjiani Paata Burçulladze, i cili interpreton role kryesore nga repertori i skenave më të mëdha të operës: Metropoliten, Lla Skala e të tjera. Sigurisht do të prezantojmë vepra të Verdit, ndër të cilat “Aida” me pjesëmarrjen e sopranos kineze Hui He. Sot ajo kërkohet shumë për rolet dramatike të Aidës, Toskës dhe Ço-Ço-Sanit. Këndon në teatrot nga Vjenë e deri në Nju Jork. Në Plovdiv, Hui He do të vijë më 20 qershor. Një ditë para kësaj date sopranoja kineze do të interpretojë në “Arenën di Verona”. Publiku do të shijojë tri përjetime të operës. 

Në Festivalin do të marrin pjesë po ashtu dhe këngëtarët bullgarë të operës. Vlladimir Stojanov – baritoni ynë i mrekullueshëm do të interpretojë rolin e Markiz Pozës në “Don Karlos”. Kjo është shfaqja më e re-kooprodhim me operën e qytetit Stara Zagora. Në spektaklin “Aida” partner i Hui He kineze do të jetë tenori Kamen Çanev, i cili ka një karrierë të shkëlqyer botërore. Gëzohem se ata ju përgjigjënftesës tonë. Shpresoj që festivali të jetë në nivelin e duhur. Interesi ndaj tij është i madh, ka kërkesa për bileta nga i gjithë vendi. Kurse të gjithë të huajt, të cilët e shikojnë Teatrin Antik në Plovdiv mbeten të mahnitur dhe thonë se, kjo skenë duhet të shfrytëzohet në mënyrë të plotë vlefshme. Festivali i operës është një mundësi e shkëlqyer për këtë.”

Përgatiti në shqip: Nataniela Vasileva