E ardhmja e mediave publike në erën digjitale është në fokusin e konferencës së sotme në Sofje, organizuar nga Radioja Kombëtare Bullgare /BNR/ dhe Televizioni Kombëtar Bullgar /BNT/. Në forum marrin pjesë drejtorët e përgjithshëm të dy mediave Aleksandër Velev dhe Konstantin Kamenarov, deputetë, anëtarë të Këshillit të Mediave Elektronike, udhëheqësi i departamentit “Radio” të BE-së për radio dhe televizion Graham Dixon, organizata joqeveritare. Pjesëmarrësit janë duke diskutuar transformimin digjital, misionin publik dhe besimin në BNR dhe BNT në erën digjitale, si dhe financimin e mediave publike. Drejtori i përgjithshëm i BNR-së Aleksandër Velev theksoi domosdoshmërinë për rregulla të qarta për këtë financim. Sipas tij vendimi më i mirë do të ishte caktimi i një përqindjeje të fiksuar prej buxhetit shtetëror, gjë që do të garantojë ekzistencën e radios dhe televizionit në vend. Komisionarja evropiane për ekonominë digjitale dhe shoqërinë digjitale Maria Gabriel e vuri theksin te përgjegjësia e mediave publike në botën moderne.

Një grup i punës me pjesëmarrjen e përfaqësuesve të Radios Kombëtare Bullgare, Televizionit Kombëtar Bullgar, Këshillit të Mediave Elektronike dhe të ekspertëve mediatikë do të hartojë një projekt strategji për zhvillimin e mediave shoqërore. Këtë qëndrim e përkrahën pjesëmarrësit e konferencës.