Edicioni i gjashtë i Festivalit Ndërkombëtar të Kinemasë dokumentare „Master of Art“ do tëzhvillohet në 6 qytete –Sofje, Plovdiv, Varna, Stara Zagora, Bjala dhe Koprivshtica. “Zgjerimi i publikut është një çështje me prioritet për ne” – tha themeluesi i festivalit Najo Ticin. Edhe sivjet ai bashkë me bashkëshorten e tij këngëtaren operistike Aleksandrina Pendaçanska dhe këngëtaren xhaz Hillda Kazasjan, hapin një etapë të re në historinë e festivalit.

Në ditët nga 25 deri më 29 gusht në qytetin Koprivshtica „Master of Art“ kthehet në Festival të Arteve. Ai do të bashkojë në një mënyrë unike të kaluarën rilindëse të qytetit dhe kulturën moderne. Fillimi do të vihet me shfaqjen “POETËT”, në të cilën një nga aktorët më të njohur bullgar do të recitojë poezi bullgare. Një fakt kureshtar është se në kuadrin e veprimtarisë për herë të parë në historinë e qytetit Koprivshtica do të luajë Filarmonia e qytetit Pleven me dirigjent Najden Todorov. Më 26 gusht, muzikantët do të dalin me këngëtaren Ljusi Dakovska në skenën e hapur pranë Shkollës së Vjetër për të prezantuar programin “Mbrëmja e muzikës”.
Më 27 gusht, Aleksandrina Pendaçanska do të prezantojë një koncert operistik “Kjo jam unë”. Të nesërmen është koncert-shfaqja e këngëtares xhaz Hillda Kazasjan “Le të dëgjojmë kinema” me muzikë nga filmat e vjetër bullgarë.
11 janë dokumentarët në program, të cilët do të shfaqen në Vatrën e Kulturës “Haxhi Nenço D. Pallaveev – 1869”. Radioja Kombëtare Bullgare është partneri zyrtar mediatik i ngjarjes.
Përpilues: Vesella Krësteva
Përgatiti në shqip: Svetllana Dimitrova
Luiza Vanbal është punonjëse në Ministrinë e Ekonomisë së Gjermanisë. Fija e padukshme që e lidh të renë gjermane me Bullgarinë është dashuria e saj për gjuhën bullgare. Luiza tregon se në universitet ka studiuar gjuhën dhe kulturën frënge, por i..
Ekspozita “Mesazhi Bullgar nga Basarabia” e piktorëve Ivan Shishman dhe Zllata Shishman do të hapet më 29 tetor – Ditën e Bullgarëve të Basarabisë, në hollin prej mermeri të Kuvendit Popullor në Sofje, njoftoi BTA. Ngjarja organizohet me iniciativën e..
Në Pallatin e Kulturës “Ded Ndue Lazri” në Lezhë u zhvillua ceremonia e ndarjes së Çmimeve Letrare Mbarëkombëtare “At’ Gjergj Fishta”. Ky edicion i çmimeve, tashmë me pesë vite traditë, vlerëson veprat më të spikatura të letërsisë shqipe në një hapësirë..