Nga data 26 qershor deri më 3 korrik qyteti Bansko po përgatitet të presë qindra nomadë digjitalë si dhe njerëz të cilët punojnë në distancë nga e gjithë bota, që të mund të festojnë lirinë dhe mënyrën e pavarur të punës dhe të jetës.

Në vazhdim të 7 ditëve pjesëmarrësit në Bansko Nomad Fest do të kenë mundësinë të dëgjojnë rreth 70 lektorë interesantë, të përfshihen  në një varg seminaresh  dhe të ndajnë historitë e veta. Sivjet, temat e ngjarjes prekin tregtinë elektronike, krijimin e një online kursi personal, arritjen e suksesit në Youtube, mbledhjen e fondeve, fotografinë e mallrave dhe shumë çështje të tjera të rëndësishme për nomadët digjitalë.

Jashtë programit të punës, organizatorët e Bansko Nomad Fest kanë parashikuar dhe një varg aktivitetesh në të hapur. Mes tyre janë kalime  në malin Pirin, rafting, çiklizëm malor, degustime verërash dhe mundësi të tjera për të larmuar punën në distancë të nomadëve me argëtim në natyrë.

• Qyteti Bansko po bëhet një qendër evropiane për nomadët digjitalë

Ngjarja për njerëzit, profesionet e të cilëve lejojnë punë nga kudo në botë, e nisur në vitin 2020, arriti të tërheqë qindra pjesëmarrës, madje gjatë pandemisë, thonë organizatorët.Gjatë vitit 2021 aktiviteti tërhoqi mbi 300 nomadë digjital nga e gjithë bota.

Përpiloi: Veneta Nikollova

Përgatiti në shqip: Nataniela Vasileva

Foto: Coworking Bansko dhe Bansko Nomad Fest