Një kompani turke, prodhuese e fenerëve për disa prej markave më të famshme të makinave në botë, investoi 10 milionë euro në fabrikën e saj të re, të dytë në qytetin Plovdiv. 4 milionë nga shuma janë të ndarë për blerjen e makinerive në të. Zona e re e prodhimit, e vendosur në 12 000 metra katrorë, ndodhet pranë një prej arterieve kryesore rrugore afër qytetit – rrugës drejt qytetit Asenovgrad. Qëllimi është që në fabrikë të prodhohen fenerë vetëm për vetura të reja, pasi që deri më tani u prodhuan së bashku me pjesë këmbimi. Investimi i grupit turk është pjesë e projektit të tij afatgjatë për të investuar 40 milionë euro deri në vitin 2023. Historia e kompanisë në vendin tonë filloi në vitin 2019, kur hapi një qendër zhvillimi në Sofje dhe fabrikën e saj të parë në Zonën Ekonomike Trakia.

Përpilues: Joan Kolev

Përgatiti në shqip: Svetllana Dimitrova