Një natë nën yje nuk është e pazakontë për dashamirët e turizmit malor, por jo si një produkt turistik i organizuar. Atraksioni më i ri në mesin e shpateve të bukura të Ballkanit të Vracës është një natë nën qiellin e hapur në një tendë të veçantë transparente. Turistët mund të zgjedhin midis dy vendeve. Njëra është zona “Kobilini Steni”, e famshme për shkëmbinjtë e saj gëlqerorë me formë të vallëzuar dhe peizazhet e bukura. Vendi tjetër ku mund të vendoseni në një tendë transparente dhe të sodisni peizazhin magjepsës është "Padesh" mbi fshatin Opletnja në komunën e Svoge / 66 km në verilindje të Sofjes/.

• Gjysmë e florës së mbrojtur të Bullgarisë shtrihet në Parkun natyror “Ballkani i Vracës”

“Nëse dëshirojnë, turistët mund të shkojnë në këmbë ose mund t'i çojmë me makinë në vendin ku do të jetë çadra”, thotë njëri nga organizatorët Pllamen Krëstev dhe shton: “Kjo është energji që nuk mund të merret nga askund tjetër. As në bujtina, as në hotel, as askund.”

Tani për tani, ekskursionet mbahen vetëm në pranverë dhe verë, por interesimi i madh për përvojën jo standarde i bën organizatorët ambicioz për të rritur numrin e tendave në të paktën dhjetë.

• Shëtitje e freskët në shpellat e malit Stara Pllanina afër qytetit Vraca

Përpiloi: Joan Kolev

Përgatiti në shqip: Vesella Mançeva