Sonte jemi të ftuar në “Kabareja Shembullore”! Në të, hitet e përjetshme bullgare nga e kaluara e afërt do të marrin jetë në një aranzhim të ri, vepër e kompozitorit të ri Dobromir Kisjov.Në skenë do të shohim më shumë se 13 artistë që do të vishen në më shumë se 100 kostume, duke rikrijuar atmosferën e një kabareje.
Rolet kryesore vokale në shfaqjen gati dy orëshe i janë besuar këngëtareve Cvetelina Marinova (e njohur nga dueti EXPOSE) dhe Toma Zdravkov.

Përveç një shfaqjeje muzikore, formati i ri kulturor i mbështetur nga “Muzikautor” fillon gjithashtu një kauzë fisnike jo standarde. Një pjesë e të ardhurave të biletave për “Kabareja Shembullore” do të mbështesë artistët e merituar të së shkuarës së afërt që aktualisht janë në vështirësi.
Toma na tregoi se pjesëmarrja në këtë projekt është një sfidë e madhe për shkak të mesazhit që duhet të japin për audiencën:
"Është shumë e vështirë në ditët e sotme të japësh shpresë duke kënduar. Këto këngë të krijojnë një emocion të tillë - se ka gjithmonë shpresë. Po, ne jetojmë në kohë të vështira, por pse të mos mbështetemi në këtë muzikë të mirë të vjetër bullgare që bën piktura, е cila është gjithmonë e buzëqeshur?"
"Hesht, hesht" është një nga këto këngë të përjetshme bullgare, e krijuar për filmin "Ljubimec 13", e realizuar nga Mimi Nikollova. Muzika është e Petër Stupelit, ndërsa teksti është i Veselin Hançevit.
Hite roku me tekste dhe mesazhe serioze me të cilat është rritur më shumë se një brez – kjo është ajo që gjejmë në albumin e ri të grupit "Faktor", të titulluar "Kundër Kohës". Dhe koha duket se po punon në favorin e tyre, dhe për më shumë se..
Konkursi i 8-të Ndërkombëtar i Violinës "Vasko Abaxhiev" do të mbahet në Sofje nga 20 deri më 23 nëntor me një interes rekord. Organizatorët nga Klubi i UNESCO-s "Leonardo da Vinci" - Sofje janë të kënaqur me 32 aplikimet e marra nga 14 vende,..
"Kështu është jeta" – kjo është motoja e koncertit më 19 nëntor, në të cilin kompozitori Stefan Dimitrov bashkon emra legjendarë si Bogdana Karadoçeva, Mihaill Bellçev, Vëllezërit Argirovi, Mimi Nikollova, Doni, së bashku me artistë të rinj, por..