Ne nuk duhet të fajësojmë euron për frikën dhe dështimet tona. Nëse Bullgaria miraton monedhën e përbashkët, sistemi me të cilin ne matim suksesin ose dështimin tonë ekonomik do të jetë në euro në vend të levave, tha për BNR bankieri dhe ekonomisti Levon Hamparcumjan.

Ai u bëri thirrje bullgarëve të mos kenë frikë nga euroja. Shndërrimi i monedhës do të bëhet në kurriz të shtetit, pa tarifa dhe komisione. Bankat do të bien dakord me shtetin se kjo nuk është në kurriz të qytetarëve. Procesi i kalimit drejt euros nuk do të prekë kreditë hipotekare.

“Me shumë mundësi konvertimi do të ndodhë në një mënyrë automatike, sepse ri-nënshkrimi i një numri kaq të madh kontratash do të ishte një makth administrativ”, theksoi bankieri.

“Edhe pas afatit të këmbimit të levës monedha bullgare levë do të jete e këmbyeshme përgjithnjë. Nëse shkoni në Bankën Qendrore, kjo procedurë do të jetë e lirë përgjithmonë. Vlera e këtyre parave nuk digjet nga ndryshimi”, siguroi bankieri dhe dha shembullin e Gjermanisë, ku gjermanët mbajnë ende 30 miliardë marka në shtëpitë e tyre.

Më shumë hollësi për temën mund të lexoni më poshtë:

• Bullgaria në Eurozonë – avantazh apo disavantazh?

• Hyrja e plotë në Shengen pritet të jetë në sinkron me hyrjen në Eurozonë

• Banka Kombëtare Bullgare dhe bankat po punojnë për ta bërë Bullgarinë gati për euron

• Bizneset vuajnë për shkak të shtyrjes së euros dhe Shengenit

• A është euroja digjitale afër apo larg?