A e dini se në kryeqytetin moldavian Kishinau ka një rrugë me emrin Hristo Botev? Pikërisht aty, rreth tre kilometra larg qendrës së qytetit, qëndron një monument mbresëlënës i poetit, revolucionarit dhe figurës publike bullgare, i cili vdiq në Ballkanin e Vracës më 1 qershor 1878.

• 2 qershori – Dita e Botevit dhe e të vrarëve për lirinë e Bullgarisë

Më 2 qershor 2024, në orën 11:00 me orën lokale, para monumentit të Botevit do të mbahet një ceremoni solemne me rastin e 148 vjetorit të vdekjes së revolucionarit dhe në kujtim të heronjve të rënë për lirinë dhe pavarësinë e Bullgarisë - mësojmë nga Komuna Bullgare në Republikën e Moldavisë, e cila së bashku me Shoqatën Shkencore të Bullgarëve në Moldavi ftuan të gjithë me gjak bullgar në venat e tyre të bashkohen në tubim.

Monumenti me fytyrën e Hristo Botevit dhe fjalët e tij të famshme: "Ai që bie në luftë për liri, ai nuk vdes" u inaugurua në vitin 1977 në kryeqytetin moldavian dhe është monumenti i dytë më i rëndësishëm bullgar atje pas monumentit "Shipka".

• Këngë për Botevin

“Ky monument ndodhet më shumë se 550 km nga vendlindja e Hristo Botevit, por vlerësohet me jo më pak dashuri dhe jo më pak patriotizëm”, tha nënpresidentja Ilijana Jotova gjatë ceremonisë zyrtare të hapjes së monumentit të rinovuar në vitin 2023 në prag të Ditës së Iluministëve të Popullit.

Lexoni më shumë:

• Kujtim për Botevin edhe jashtë Bullgarisë

• Shtëpia e Botevit nuk ka mbyllur dyer që nga shpallja e saj për muze përpara 75 vjetëve

• Gratë në jetën dhe zemrën e Hristo Botevit

• Me anijen “Radecki” drejt Bullgarisë së lirë

Përpiloi: Darina Grigorova

Foto: Shoqata Shkencore e studiuesve në gjuhën dhe kulturën bullgare në Republikën e Moldavisë, BTA

Përgatiti në shqip dhe publikoi: Vesella Mançeva