Vendi ynë është organizatore e Takimit Vjetor të Komitetit Evropian të Shoqatave të Operatorëve Turistik dhe Agjentëve të Udhëtimit - aktiviteti më i madh i institucionit që bashkon operatorët turistikë të Evropës. “Mikpritja e këtij takimi është një nder i jashtëzakonshëm për Bullgarinë dhe një shenjë e besimit që ka ndaj nesh komuniteti evropian i turizmit. Ne do ta shfrytëzojmë këtë mundësi për të treguar jo vetëm trashëgiminë tonë të pasur kulturore dhe natyrën e mrekullueshme, por edhe për të forcuar pozitat tona si destinacion turistik inovativ dhe i sigurt”, tha ushtruesi i detyrës së ministrit të turizmit Evtim Milloshev.

Forumi dyditor zhvillohet në kuadër të njohjes së vendit tonë si “Destinacioni i preferuar për vitin 2024”. Pas përfundimit të tij, të ftuarit do të vizitojnë Plovdivin - qytetin më të vjetër të gjallë në Evropë. Ata do të vizitojnë Qytetin e Vjetër dhe Bazilikën Episkopale, do të shijojnë një shfaqje të Operës së Plovdivit dhe do të ndalen në Festivalin e Verës në qytet me rastin e Ditës Ndërkombëtare të Mavrudit.

Ju ofrojmë të lexoni më shumë nga koleksioni i Radio Bullgarisë për Plovdivin dhe verën “Mavrud”:

• Plovdiv – një qytet me shumë histori dhe njerëz të këndshëm

• Një jetë e re për Bazilikën e lashtë Episkopale në qytetin Plovdiv

• Nga vreshti në shishe – “Mavrudi” legjendar si pjesë e kartëvizitës së Bullgarisë