GERB-SDS i bëri thirrje kryeministrit Dimitër Gllavçev që të tërheqë Marrëveshjen 10-vjeçare të Sigurisë me Ukrainën. Sipas Daniell Mitov nga GERB, momenti i zgjedhur nga Gllavçev për të sjellë këtë lloj marrëveshjeje në parlament është jashtëzakonisht i papërshtatshëm. Gllavçev më herët sot kërkoi nga parlamenti që t'i japë mandat të posaçëm qeverisë së përkohshme për nënshkrimin e marrëveshjes. Mitov theksoi se një vendim të tillë duhet ta marrë një kabinet i rregullt. Ai tha se bisedime të tilla mund të dëmtojnë negociatat e vazhdueshme për një qeveri. “Në fund të jetës së kësaj qeverie të përkohshme, po propozohet një tekst që do të shkaktojë një dinamikë të mbinxehur. Aktualisht jemi duke biseduar për formimin e një mazhorance solide parlamentare për zgjedhjen e një kabineti me mandat 4-vjeçar dhe ky lloj propozimi mund të pengojë edhe procesin e negociatave”, komentoi Mitov në margjinat e Kuvendit Popullor.

Tashmë kundër nënshkrimit të marrëveshjet u shpallën “BSP – E majta e bashkuar” dhe “Vëzrazhdane”.

• BSP dhe "Vëzrazhdane" kundërshtuan një projekt dhjetëvjeçar të bashkëpunimit ushtarak me Ukrainën