Me një mesazh paqeje dhe drite, në Sinagogën Qendrore të Sofjes u mbajt ceremonia e ndezjes së qiririt të gjashtë të Hanukas. Në këtë aktivitet morën pjesë kryetarja e Kuvendit Natalija Kisellova, nënprsidentja Ilijana Jotova, Nevjana Miteva, zëvendësministrja e punëve të jashtme, si dhe ambasadori i Izraelit Josef Levi Sfari. Gjatë ceremonisë, kryerabini në Bullgari, Joel Jifrah, bëri një lutje për Bullgarinë, popullin bullgar, si dhe për pengjet izraelitë në Rripin e Gazës.

Ne lutemi për paqe, për shpresë, për një të ardhme më të mirë. Shpresoj që të vijnë ditë më të ndritshme, kur e mira do të mbizotërojë mbi të keqen, tha Kisellova.

Zëvendëspresidentja Jotova, para ndezjes së qiririt të tretë të Hanukas, në fjalën e saj theksoi se ky moment solemn është një rast që bullgarët të krenohen, sepse Bullgaria është shembull se si popuj të ndryshëm me besime të ndryshme dhe me etni të ndryshme mund të jetojnë së bashku dhe të ndajnë dhimbjen dhe gëzimin.

Lexoni më tepër nga koleksioni i Radio Bullgarisë:

• Sinagoga e Sofjes – qendra shpirtërore e hebrenjve në Bullgari

• Një qendër moderne informacioni do të shërbejë vizitorët në Sinagogën e Vidinit

• Mozaikët nga Sinagoga antike në Plovdiv zbulojnë bukuritë e tyre

• Edikti i Serdikës bën mesazhe për tolerancë mes feve

• Makete kishash, sinagogash, xhamish dhe shtëpish në një ekspozitë të tolerancës