Më 20 janar, Kisha Ortodokse kremton të nderuarin Shën Evtimij, Patriarkun e Tërnovos.

Shën Evtimij Tërnovski lindi në vitin 1327 në qytetin Tërnovo. I dhuruar nga Zoti me dhunti të pasura, Evtimij që kur ishte shumë i ri u dallua me dije dhe një jetë të pastër shpirtërore. Në vitin 1350 u bë murg në Manastirin Kilifarevski, nën udhëheqjen e të nderuarit Teodosij Tërnovski. Më vonë ai jetoi disa vjet në Kostandinopojë dhe Athos. Kur u kthye në Tërnovo, Evtimij u izolua në një shpellë afër kryeqytetit të vjetër bullgar. Me të u vendosën murgj të tjerë dhe u formua Manastiri "Trinia e Shenjtë", i cili u bë vatër i iluminizmit dhe jetës shpirtërore. Aty Shën Evtimij shkroi biografi dhe eulogji, korrigjoi libra liturgjikë, përktheu tekste të tjera.

Në vitin 1375 u zgjodh patrik dhe u shfaq si një bari i mirë. Gjatë pushtimit të qytetit Tërnovo nga turqit osmanë, ai personalisht drejtoi mbrojtjen e qytetit dhe kur kalaja u pushtua, ai u ngrit me guxim në mbrojtje të popullit. Ai u dërgua në mërgim në Bullgarinë Jugore, ku ndërroi jetë rreth vitit 1402.

Në ditët tona, më 22 tetor 2023 u krye një lavdërim solemn i lipsaneve të shenjtorit.Para kësaj, me një mesazh të posaçëm patriarkal dhe sinodal, po atë vit, peshkopët e Kishës Ortodokse Bullgare – Patrikanës Bullgare shpallën zyrtarisht, pas shumë vitesh mosmarrëveshje, se lipsanet e zbuluara në vitin 1905 në Manastirin Baçkovski, i përkasin Shën Patriarkut Evtimij Tërnovski. Lidhur me këtë, Sinodi i shenjtë vendosi një festë të re në kalendarin tonë kishtar - "Festimi i Lipsaneve të Shenjta të Shën Evtimij, Patrikut të Tërnovos".

Lexoni më shumë nga koleksioni i Radio Bullgarisë:

• Shën Patriku Evtimij Tërnovski

• Nderojmë lipsanet e Patriarkut Bullgar Shenj Evtimij Tërnovski

• Më 20 janar i japim nder Patrikut të fundit mesjetar bullgar