Ministri i energjisë Zheço Stankov ndodhet për një vizitë pune në Shtetet e Bashkuara për të marrë pjesë në Forumin e gjashtë Delphi në Uashington. Programi i tij përfshin pjesëmarrjen në një diskutim të nivelit të lartë për hartën e re të diplomacisë energjetike, si dhe një takim me ndihmës sekretarin e shtetit për burimet e energjisë dhe pjesëmarrjen në një tryezë të rrumbullakët me përfaqësues të biznesit amerikan. Janë planifikuar bisedime me menaxhmentin e kompanisë amerikane "Westinghouse" dhe bankës amerikane të eksport-importit "Exim Bank" në lidhje me ndërtimin e njësive 7 dhe 8 të Centralit Atomik “Kozlloduj”.

Pak ditë më parë, Stankov njoftoi se centrali “Kozlloduj” mund të jetë vendi më i përshtatshëm për zhvillimin e inteligjencës artificiale dhe të qendrave të të dhënave në vendin tonë nga pikëpamja e sigurisë së furnizimit me energji. "Për këtë arsye, ne do të fillojmë një "roudshow" drejt kompanive në mënyrë që qendrat e të dhënave të mund të ndërtohen në territorin bullgar," vuri në dukje Stankov.