Pas një pauze, të lidhur me ndryshimet në formacion, grupi Nana & The Gang u kthye me një këngë të re. Vlladi Zidarov – bateri, miksim dhe masterizim, Miro Gajdarski – bas dhe Ilijana Jordanova – vokal, prezantojnë "Apo jo" – një këngë me një mesazh dhe motivim. Muzika dhe aranzhimi janë të grupit, surpriza në këtë rast është pjesëmarrja e Mihaella Mihajllova - Misha nga grupi “Siluet”, e cila shtoi violina në këngë. Përsëri, Ilijana Jordanova është autore e tekstit tradicionalisht të fortë, të dedikuar për të rinjtë. Ajo thotë:

"Kjo këngë u krijua për këtë brez të ri - ata janë të mrekullueshëm, janë më të zgjuar dhe më të talentuar se ne, siç duhet të jetë çdo brez i ri. E vetmja gjë për të cilën jam e trishtuar, dhe që e shpreha në këtë këngë, është se ata nuk janë proaktivë. Se nuk janë aq luftarakë sa ishim ne, se nuk janë aq ëndërrimtarë sa ishim ne. Dhe do të doja që ai proaktivitet që ishte karakteristikë për ne të kthehej pak më shumë. Në fillim mendova se kjo këngë ishte për këtë brez, por në të vërtetë është për të gjithë ne.”

Përgatiti në shqip dhe publikoi: Svetllana Dimitrova

Foto:  Facebook/Nana & The Gang