Sezoni veror 2025 fillon zyrtarisht sot, 31 maj, në Pomorie. "Pomorie zë një vend të rëndësishëm në hartën turistike të Bullgarisë dhe ofron një kombinim të shkëlqyer të detit, historisë, kulturës, balneologjisë dhe SPA-së", njofton Ministria e Turizmit.

Fokusi kryesor i Ministrisë këtë vit është promovimi i një produkti turistik të larmishëm dhe të qëndrueshëm që kombinon burimet natyrore, trashëgiminë kulturore dhe cilësinë e lartë të shërbimeve. Sezoni veror do të hapet nga Ministri i Turizmit, Mirosllav Borshosh, sipas të cilit Pomorie është një kombinim i traditës dhe zhvillimit modern.

Përveç pjesës zyrtare, është parashikuar edhe një program i pasur kulturor. Në orën 18:20, në Portin e Peshkatarëve, së bashku me Marinës Ushtarake të Republikës së Bullgarisë, do të ngrihet flamuri kombëtar, si dhe i ashtuquajturi 'Flamur Blu', i cili iu dha qytetit bregdetar disa ditë më parë. Ky është çmimi ndërkombëtar më i njohur, me të cilin nderohen plazhet dhe portet ku bëhen përpjekje të veçanta për mbrojtjen e mjedisit.

Mbrëmja do të përfundojë me një koncert, ku do të marrin pjesë kori "Misteri i Zërave Bullgarë", si dhe disa nga artistët më të njohur të muzikës pop - Stefan Vëlldobrev dhe Të dyshuarit e Zakonshëm, Papi Hans, Molec, DJ Dimo dhe të tjerë.

Përpiloi: Ivan Gergov

Përgatiti në shqip dhe publikoi: Vesella Mançeva

Foto: Bashkia e Pomories, BTA