"Kujtimi" është titulli i këngës më të fundit të Grupit “Ostava”, e cila na çon te albumi i ardhshëm i grupit. Përderisa kënga e tyre e mëparshme "Fajtori" ishte e mbushur me emocione të thella dhe probleme të përjetshme, "Kujtimi" kombinon një tingull më të këndshëm me nostalgji të lehtë në tekst, i cili është vepër e kitaristit të grupit Georgi Georgiev dhe vokalistit Svilen Noev.
Përveç të gjithë grupit, bateristi Daniell Georgiev luan një rol kyç në strukturën dhe krijimin e aranzhimit. Edhe në "Kujtim" producenti Georgi Stanev është përsëri përgjegjës për miksimin dhe prodhimin përfundimtar të këngës.

Një video bardh e zi me stil nga Nevena Spasova, gruaja e Svilen Noev, tani është fakt. Ai paraqet momente personale nga periudha të ndryshme në jetën e secilit anëtar të grupit, duke theksuar mesazhin e tyre: "Kujtimi" është një këngë që jeton midis djeshmes dhe nesërmes, por u krijua për të tingëlluar sot - e sinqertë, ritmike dhe personale".
Lexoni më shumë për këngëtarin Svilen Noevin:
Lexoni më tepër për Grupin “Osatava” në arkivin tonë:
Përpiloi: Diljana Traçeva
Përgatiti në shqip dhe publikoi: Svetllana Dimitrova
Foto: Facebook/Ostava
Një përjetim emocionues u ofron melomanëve të kryeqytetit, Festivali Europian i Muzikës më 10 nëntor. 2500 vjet nga themelimi i qytetit legjendar italian me bukurinë e tij, Napoli, do të shënohen me një ngjarje të veçantë – koncertin e formacionit Ars..
E përfunduar në vitin 1940, drama e vallëzimit u shfaq për herë të parë më 4 janar 1942 në Operën e Sofjes nën drejtimin e dirigjentit Asen Najdenov. Libretisti dhe regjisor ishte Hrisan Cankov, koreografinë e bëri Maria Dimova – një..
Shtëpia e Kulturës “Boris Hristov” në qytetin e Plovdivit është nikoqire e edicionit të përvitshëm të Plovdiv Jazz Fest 2025. Nga sot deri më 9 nëntor, festivali mbledh muzikant xhaz nga Bullgaria dhe bota, duke ofruar një program të larmishëm me..