Opera Shtetërore në Stara Zagora mbush 100 vjeç. Ajo do të festojë ditëlindjen e saj me premierën e shfaqjes "Car Kallojan" në skenën e Forumit të Lashtë "Augusta Trajana" më 17 dhe 18 korrik në orën 21:00.
Opera e Panço Vlladigerovit të madh (1899 - 1978) me libreto nga Nikollaj Liliev bazuar në shfaqjen teatrale të Fani Popova-Mutafova "Kulla e Ballduinit" është simbolike për Operën e Stara Zagorës, e cila në vitin 1975 festoi 50-vjetorin e saj me premierën e së njëjtës vepër në prani të kompozitorit, raporton Radioja Kombëtare Bullgare "Hristo Botev".
"Panço Vlladigerov është një nga kompozitorët më të arsimuar të kohës së tij. Ai prezanton një gjuhë të vështirë muzikore për fillimin e shekullit të 20-të, e cila përbën një sfidë edhe sot e kësaj dite", thotë maestro Ivajllo Krinçev, dirigjent kryesor i Operës Shtetërore në Stara Zagora dhe dirigjent i shfaqjes.
Opera "Car Kallojan" do të jetë gjithashtu e ftuar në Veliko Tërnovo, në skenën e kalasë "Carevec", më 25 korrik.
Lexoni më tepër nga koleksioni i Radio Bullgarisë:
Redaktoi: Miglena Ivanova
Përgatiti në shqip dhe publikoi: Vesella Mançeva
Foto: operasz.bg
Një përjetim emocionues u ofron melomanëve të kryeqytetit, Festivali Europian i Muzikës më 10 nëntor. 2500 vjet nga themelimi i qytetit legjendar italian me bukurinë e tij, Napoli, do të shënohen me një ngjarje të veçantë – koncertin e formacionit Ars..
E përfunduar në vitin 1940, drama e vallëzimit u shfaq për herë të parë më 4 janar 1942 në Operën e Sofjes nën drejtimin e dirigjentit Asen Najdenov. Libretisti dhe regjisor ishte Hrisan Cankov, koreografinë e bëri Maria Dimova – një..
Shtëpia e Kulturës “Boris Hristov” në qytetin e Plovdivit është nikoqire e edicionit të përvitshëm të Plovdiv Jazz Fest 2025. Nga sot deri më 9 nëntor, festivali mbledh muzikant xhaz nga Bullgaria dhe bota, duke ofruar një program të larmishëm me..