Në një ceremoni solemne në presidencë, kreu i shtetit Rumen Radev nderoi tenistët Ivan Ivanov dhe Aleksandër Vasilev me pllaka nderi. Ivan Ivanov fitoi titullin junior në turneun e tenisit Wimbledon të këtij viti. Aleksandër Vasilev, gjysmëfinalist në kategorinë e juniorëve në British Open, gjithashtu mori një nderim nga presidenti, raportoi BNR "Horizont".
Një javë më parë, 16-vjeçari Ivan Ivanov fitoi titullin me lojë të shkëlqyer dhe pa humbur asnjë set. Kështu, ai përsëriti suksesin e Grigor Dimitrov, i cili fitoi titullin e juniorëve në vitin 2008. Zyrtarisht, Ivan Ivanov është nr. 1 në renditjen botërore të azhurnuar për juniorët nën 18 vjeç. Aleksandër Vasilev u ngjit në vendin e katërt në renditje.
"Arritja juaj e kryesimit të renditjes botërore është një sukses i jashtëzakonshëm. Është një dëshmi jo vetëm e cilësive, vullnetit, talentit dhe përkushtimit tuaj të pamohueshëm. Unë gjithashtu e gjej atë një shprehje të shpirtit të fortë dhe të pathyeshëm bullgar dhe vullnetit për të fituar", tha presidenti.
Redaktoi: Miglena Ivanova
Përgatiti në shqip dhe publikoi: Vesella Mançeva
Foto: BTA
22-vjeçarja Kamelia Stoimenova ka thyer rekordin kombëtar të legjendës bullgare të notit Tanja Bogomillova në notin 200 metra për femra në një pishinë të vogël. Kjo u njoftua nga klubi i notit Sprint-Sofja, dhe lajmi u konfirmua për bTV nga Federata..
Pas 110 ditësh jashtë fushës, Grigor Dimitrov u kualifikua për raundin e dytë të turneut të fundit të vitit nga seria Masters 1000 në Paris. Ai mposhti përfaqësuesin vendas, Giovanni Mpetshi Perricard, me rezultat 7-6 (5), 6-1. Ndeshja zgjati pak më..
Grigor Dimitrov kthehet në fushë pas një mungese tre mujore për shkak të dëmtimit të rëndë që pësoi në “Uimbëlldon”. Sonte ai do të përballet me francezin Giovanni Mpetshi Perricard në raundin e parë të turneut të serisë “Masters” në Paris, me një fond..
Vranësira të dendura
Pjesërisht me re
Vranësira