Kryeministri bullgar Rosen Zheljazkov zhvilloi një bisedë përmes videokonference me kryeministren e Ukrainës, Julia Sviridenko. Gjatë takimit, Zheljazkov konfirmoi mbështetjen e palëkundur të Bullgarisë për Ukrainën, në kontekstin e luftës që vazhdon. Ai kujtoi se Bullgaria është ndër mbështetësit më të fortë dhe më aktivë të integrimit evropian të Ukrainës dhe ofroi shkëmbim të përvojës së çmuar në procesin e integrimit. Zheljazkov theksoi gjithashtu se Bullgaria mbështet hapjen e grupit të parë negociues, duke nënvizuar rëndësinë e planit të veprimit të Ukrainës për pakicat kombëtare, të cilin e konsideron një komponent të pazëvendësueshëm për hapjen e kapitullit të parë të negociatave. Ai gjithashtu kujtoi se bisedimet për paqe me Rusinë duhet të bazohen në parimet e drejtësisë, sovranitetit dhe garancive të sigurisë. Sipas Zyrës së Shtypit të Qeverisë, Bullgaria është e gatshme të ndihmojë edhe në procesin e rindërtimit pas luftës në Ukrainë.
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: Këshilli i Ministrave
“Zgjidhjet për të arritur paqen në Ukrainë duhet të bazohen në parimet themelore të Kartës së OKB-së, siç janë sovraniteti, pavarësia dhe integriteti territorial.” Kjo u deklarua nga Ministri i Jashtëm Georg Georgiev në videokonferencën..
Çmimet e gazit natyror do të bien me pak më shumë se 4% në dhjetor në vend të uljes së parashikuar prej 1%, ka llogaritur Bulgargaz, raportoi gazetarja e BNR, Julijana Kornazheva. Kjo do të thotë afërsisht 63.00 leva (32.21 euro) për megavat-orë duke..
Shumica në pushtet dhe opozita në parlament u përplasën për procedurën me të cilën zhvillohet mbledhja e Komisionit për Buxhet dhe Financa, para miratimit përfundimtar të ndryshimeve në buxhetin për vitin 2026. Kryetari i “Po e vazhdojmë..
Vranësira
Vranësira të dendura
Vranësira