Natën, moti në vend do të mbetet kryesisht i kthjellët, me vranësira të larta të shpërndara, por pas mesnatës do të fillojnë të formohen vranësira të ulëta, ose mjegull mbi rajonet ekstreme lindore. Do të jetë pothuajse e qetë në pjesën më të madhe të vendit, vetëm në rajonet lindore do të fryjë një erë e lehtë nga veriu-verilindja.

Të shtunën do të jetë kryesisht me diell, me vranësira të larta të shpërndara. Para mesditës mbi rajonet lindore do të ketë vranësira të ulëta, ose mjegull. Do të fryjë një erë verilindore e lehtë deri në mesatare. Temperaturat maksimale do të jenë midis 29° dhe 34°, në Sofje - rreth 29°.

Në male do të jetë kryesisht me diell. Do të fryjë një erë verilindore mesatare deri në të fortë. Temperatura maksimale në një lartësi prej 1200 metrash do të jetë rreth 23°, në 2000 metra - rreth 15°.

Përgjatë bregdetit të Detit të Zi do të ketë vranësira të ulëta, ose mjegull para mesditës, dhe vranësira të larta të shpërndara pas mesditës. Do të fryjë një erë verilindore e lehtë deri në mesatare. Temperaturat maksimale do të jenë midis 26° dhe 28°. Temperatura e ujit të detit është rreth 25°. Dallgëzimi i detit do të jetë 2-3 ballë.

Të dielën dhe të hënën do të mbizotërojë mot me diell, me rritje të përkohshme të vranësirave. Nuk do të ketë reshje të konsiderueshme, vetëm reshje të izoluara janë të mundshme të dielën në rajonet ekstreme juglindore, dhe të hënën në orët e pasdites dhe në malet në Bullgarinë Jugperëndimore. Era do të jetë më shpesh verilindore, kryesisht e dobët, në Bullgarinë lindore deri në mesatare. Temperaturat nuk do të ndryshojnë shumë - maksimumet mbizotëruese do të jenë midis 28° dhe 33°.

Redaktoi: Darina Grigorova

Përgatiti në shqip dhe publikoi: Vesella Mançeva

Foto: BTA