Ivan Ivanov fitoi titullin në kategorinë e juniorëve në US Open, duke mposhtur Aleksandër Vasilev në një finale historike bullgare. Kështu, pas Wimbledon, kampioni 16-vjeçar ngriti kupën në një turne të dytë radhazi nga Grand Slam.
Nxënësi i shkollës së Rafael Nadalit fitoi finalen me 7:5, 6:3 në një ndeshje që zgjati 1 orë e 15 minuta.
Ky është titulli i katërt për një tenist bullgar në kategorinë e juniorëve nga Grand Slam në lojën teke, kujton BTA. Në vitin 2008, ylli bullgar i tenisit Grigor Dimitrov triumfoi në Wimbledon dhe US Open, dhe sot Ivan Ivanov e arriti përsëri këtë sukses.
Kampioni në New York е konsolidoi vendin e tij të parë në listën botërore, ndërsa Aleksandër Vasilev ndoshta do të ngjitet në vendin e dytë. Për dy bullgarët, kjo është paraqitja e tyre e fundit nëkategorinë e juniorëve dhe nga fillimi i vitit të ardhshëm ata do të përqendrohen tërësisht në performancat e tyre në divizionin e meshkujve, shkruan TENNISKAFE.
Redaktoi: Diana Cankova
Përgatiti në shqip dhe publikoi: Vesella Mançeva
Foto: AP Photo/Seth Wenig
22-vjeçarja Kamelia Stoimenova ka thyer rekordin kombëtar të legjendës bullgare të notit Tanja Bogomillova në notin 200 metra për femra në një pishinë të vogël. Kjo u njoftua nga klubi i notit Sprint-Sofja, dhe lajmi u konfirmua për bTV nga Federata..
Pas 110 ditësh jashtë fushës, Grigor Dimitrov u kualifikua për raundin e dytë të turneut të fundit të vitit nga seria Masters 1000 në Paris. Ai mposhti përfaqësuesin vendas, Giovanni Mpetshi Perricard, me rezultat 7-6 (5), 6-1. Ndeshja zgjati pak më..
Grigor Dimitrov kthehet në fushë pas një mungese tre mujore për shkak të dëmtimit të rëndë që pësoi në “Uimbëlldon”. Sonte ai do të përballet me francezin Giovanni Mpetshi Perricard në raundin e parë të turneut të serisë “Masters” në Paris, me një fond..
Vranësira të dendura
Pjesërisht me re
Vranësira