Yjet e operës Sonia Jonçeva dhe Plácido Domingo do të sjellin në Sofje një galaktikë menaxherësh operash dhe 32 këngëtarësh të rinj operistikë nga 17 vende në 5 kontinente.
Konkursi më prestigjioz për yjet në ngritje të operës në botë – “Operalia”, do të mbahet për herë të parë në Bullgari. Organizator i edicionit është kompania e produksionit e Sonja Jonçevës. Sopranoja bullgare fitoi konkursin saktësisht 15 vjet më parë, në skenën e Skalës së Milanos.

Tenori legjendar spanjoll Plácido Domingo, i cili themeloi konkursin 33 vjet më parë, do të kryesojë jurinë prestigjioze dhe do të dirigjojë pjesën kushtuar interpretimit të zarzuelës. Bashkëorganizator i ngjarjes është Orkestra e Filarmonisë së Sofjes.

Të gjitha raundet e konkursit do të mbahen në sallën “Bullgaria”, dhe maestro Najden Todorov do të dirigjojë koncertin gala të fundit, raporton BTA.

Mësoni më shumë për aktivitetet e përbashkëta të Sonja Jonçevës dhe Plácido Domingo në Bullgari nga arkivi ynë:
Redaktoi: Ivo Ivanov
Përgatiti në shqip dhe publikoi: Vesella Mançeva
Foto: Facebook/SY11 Events
Një përjetim emocionues u ofron melomanëve të kryeqytetit, Festivali Europian i Muzikës më 10 nëntor. 2500 vjet nga themelimi i qytetit legjendar italian me bukurinë e tij, Napoli, do të shënohen me një ngjarje të veçantë – koncertin e formacionit Ars..
E përfunduar në vitin 1940, drama e vallëzimit u shfaq për herë të parë më 4 janar 1942 në Operën e Sofjes nën drejtimin e dirigjentit Asen Najdenov. Libretisti dhe regjisor ishte Hrisan Cankov, koreografinë e bëri Maria Dimova – një..
Shtëpia e Kulturës “Boris Hristov” në qytetin e Plovdivit është nikoqire e edicionit të përvitshëm të Plovdiv Jazz Fest 2025. Nga sot deri më 9 nëntor, festivali mbledh muzikant xhaz nga Bullgaria dhe bota, duke ofruar një program të larmishëm me..