Martiret e Shenjta Vjara (Besa), Nadezhda (Shpresa) dhe Ljubov (Dashuria) ishin tri motra të lindura në Romë në shekullin II. Nëna e tyre, Shën Sofia, ishte një vejushë e devotshme dhe e krishterë, e cila i rriti bijat e saj në dashuri për Zotin Jezu Krisht. Ajo ua dha emrat sipas tri virtyteve të mëdha të krishterimit: besimi, shpresa dhe dashuria, duke i edukuar me frymë të fortë shpirtërore.
Motrat dhe nëna e tyre nuk e fshihnin besimin e tyre dhe e dëshmonin hapur. Kur perandori Adrian (117–138) mori vesh për to, urdhëroi t’i sillnin para tij. E gjithë oborri perandorak u habit nga qetësia dhe paqja me të cilën familja e shenjtë u paraqit — si të ftuar në një festë të ndritur, jo në tortura. Adriani u përpoq t’i bindte vajzat një nga një që t’i ofronin flijime perëndeshës Artemis, por ato refuzuan me vendosmëri. Në atë kohë, Vjara ishte 12 vjeç, Nadezhda 10 dhe Ljubov vetëm 9. Perandori urdhëroi tortura të tmerrshme, por Zoti, me fuqinë e Tij të padukshme, i mbrojti. Motrat duruan dhimbje çnjerëzore pa u lëkundur nga besimi i tyre dhe e pranuan me gëzim martirizimin. Në fund, perandori urdhëroi që të priteshin kokat e tyre.
Shumë nga ata që panë qëndresën e tyre të patundur, besuan në Krishtin.
Por më e rënda ishte për Shën Sofia, e cila nuk u torturua fizikisht, por u detyrua të shihte vuajtjet dhe vdekjen e bijave të saj. Për ta sfilitur shpirtërisht, perandori i lejoi të marrë trupat e tyre dhe t’i varrosë. Ajo i çoi në një vend të ngritur mbi qytet, i varrosi, dhe qëndroi tri ditë mbi varrin e tyre në lutje, derisa edhe ajo ia dorëzoi shpirtin Zotit. Kjo ndodhi në vitin 126 pas Krishtit. Të krishterët e varrosën pranë bijave të saj.
Lipsanet e shenjtoreve u transferuan nga Roma në Elzas (Francë) në vitin 777, në kishën e fshatit Esho, ku ruhen edhe sot.
Lexoni më shumë nga arkivi i Radio Bullgarisë:
Përpilues: Ekipi i Radio Bullgarisë me ndihmën e Aleksandra Karamihaleva, kryeredaktore e "Gazetës së Kishës"
Përgatiti në shqip dhe publikoi: Svetllana Dimitrova
Foto: arkiv
Bullgarët jemi ndër pak kombet që kanë një festë të vetën të spiritualitetit — Dita e Iluministëve të Popullit . E shënojmë çdo vit më 1 nëntor, për të nderuar, jo sundimtarë apo heronj ushtarakë, por njerëzit e shpirtit — ata bullgarë që kanë..
Në botën bashkëkohore, kur vlerat materiale zëvendësojnë ato shpirtërore, mendimet për shpëtimin e shpirtit mbeten disi në plan të dytë. Gara e pandërprerë me kohën dhe detyrimet e përditshme e mpakin zërin e shpirtit, që mbytet nga ritmi i vrullshëm..
Përmbledhja “Përralla folklorike kortenase nga Bullgaria dhe Moldavia” do të prezantohet më 30 tetor 2025, në Qendrën Kulturore Bullgare, në Sofje. Libri është botuar nga Universiteti Shtetëror i Taraklisë “Grigorij Camblak”. Në kuadër të ngjarjes, e..
Reshje
Vranësira të dendura
Vranësira
Vranësira të dendura me shi
Reshje intensive