Ministria e Financave të Bullgarisë emetoi në tregun e brendshëm obligacione shtetërore 7-vjeçare në vlerë prej 300 milionë leva (rreth 144 milionë euro), me një normë interesi prej 3.25%. Kërkesat për blerje arritën në 446 milionë leva, me një koeficient mbulimi prej 1.49. Ky ishte aukcioni i 11-të në tregun e brendshëm që nga fillimi i vitit 2025. Borxhi i ri i brendshëm i grumbulluar deri tani ka arritur në 2.7 miliardë leva. Borxhi total i ri i marrë në tregjet e brendshme dhe të jashtme për vitin 2025 ka arritur 16.8 miliardë leva, ndërsa Shuma maksimale e borxhit të ri shtetëror, e parashikuar në buxhet, është 18,9 miliardë leva.

Banka Popullore e Bullgarisë raportoi një ulje prej 9% të kartëmonedhave në qarkullim. Më 31 gusht, në qarkullim ishin 556.8 milionë kartëmonedha, ndërsa në fund të vitit 2024 ishin mbi 611 milionë.

Arsyeja kryesore për këtë rënie është se kompanitë dhe qytetarët po i depozitojnë me ritme të shpejta paratë në bankë, në mënyrë që të konvertohen automatikisht në euro me hyrjen në fuqi të monedhës së re më 1 janar 2025. Shumë banka kanë pezulluar përkohësisht tarifat për depozitim, për të inkurajuar procesin.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BGNES