Në një takim pas mbledhjes së sotme të qeverisë, Ministri i Punës dhe Politikës Sociale Borisllav Gucanov njoftoi se Këshilli i Ministrave ka miratuar një vendim që i jep start punës për kthimin e bashkatdhetarëve tanë që ndodhen jashtë vendit. Mbi 26 milionë leva (13 milionë euro) janë ndarë për iniciativën, të quajtur "Unë Zgjedh Bullgarinë". Ajo i drejtohet kryesisht komuniteteve bullgare jashtë vendit. "Ne duam të ndihmojmë vërtet në përballimin e problemeve të krizës demografike në vendin tonë, e cila po ndikon edhe në ekonominë e vendit. Po shohim se nuk ka fuqi punëtore në sektorë të caktuar", theksoi Gucanov, cituar nga BTA.
Nga e enjtja (18 shtator), Agjencia e Punësimit do të fillojë të pranojë aplikime, të cilat do të dorëzohen elektronikisht, nga njerëzit që dëshirojnë të kthehen në atdheun e tyre në kuadër të kësaj iniciative. Bullgarët që kanë qenë jashtë vendit për të paktën një vit në 18 muajt e fundit, ose që kanë përfunduar arsimin e tyre jashtë vendit në një vit e gjysmë të fundit, do të jenë në gjendje të aplikojnë. Sipas ministrit, interesi për iniciativën është i madh.
Fondet nuk do të sigurohen thjesht sepse bullgarët nga jashtë shtetit po kthehen në Bullgari, por sepse ata po fillojnë punë në vendin tonë. Iniciativa do të përfshijë gjithashtu informacion dhe akses më të mirë në tregun e punës përmes Agjencisë së Punësimit. Është planifikuar trajnim në gjuhën bullgare për anëtarët e familjeve që janë shtetas të huaj.
Gucanov saktësoi se po punohet edhe për krijimin e një programi të ngjashëm për zhvendosjen e shtetasve bullgarë nga vendbanimet më të mëdha në ato më të vogla, gjithashtu me disa stimuj.
Lexoni më tepër në arkivin e Radio Bullgarisë:
Redaktoi: Miglena Ivanova
Përgatiti në shqip dhe publikoi: Vesella Mançeva
Foto: bg.wikipedia.org, BTA
Një dragua që nxjerr zjarr do t’i presë vizitorët e Muzeut të parë të hekurit të hekurosjes në Ballkan, i cili hapet më 21 nëntor në Plovdiv. Nga goja e tij do të rrjedhin fjalë inkurajimi – që njerëzit, me sy të etur për dije të reja, të zhyten në..
Në prag të Ditës së Familjes së Krishterë (21 nëntor), dhjetëra çifte nga Dimitrovgrad rinovuan betimet e tyre martesore pasi kaluan më shumë se gjysmë shekulli së bashku. Një total prej 55 çiftesh, të martuar nga 50 vjete ose më shumë, morën..
Prej 15 vitesh Stela Nedkova jeton në Bruksel. Pasi përfundoi arsimimin e saj në Bullgari, ajo vendosi të vërë veten në provë në një realitet tjetër, për të kontrolluar nëse mund t’ia dalë vetë me sfidat e jetës, pa ndihmën e prindërve. Stela ishte..
Diell, re, shi, bubullime
Pjesërisht me re
Vranësira të ndryshueshme mundësi për reshje shiu
Vranësira të dendura