Nënpresidentja e Bullgarisë, Ilijana Jotova, ndodhet për vizitë në qytetin Taraklia, Moldavi, më 19 dhe 20 shtator. Sot, ajo është e ftuar zyrtare në ceremoninë solemne të ndarjes së çmimeve për fituesit e konkursit të esesë për nxënës dhe studentë nga diaspora bullgare në Ukrainë dhe Moldavi, organizuar nga Radioja Kombëtare Bullgare (BNR). Kjo iniciativë zhvillohet nën patronazhin e nënpresidentes së shtetit, me mbështetjen e Ministrisë së Arsimit dhe Shkencës së Bullgarisë, dhe ka për qëllim forcimin e lidhjeve me komunitetet bullgare në mbarë botën. Pjesëmarrësit në konkurs – nxënës dhe të rinj të moshës 11 deri në 19 vjeç – duhej të shkruanin ese për një figurë historike bullgare me të cilën do të donin të takoheshin, si dhe për një poezi bullgare që u jep shpresë dhe forcë.

Ngjarja do të shoqërohet me një program të veçantë artistik, me pjesëmarrjen e një grupi folklorik nga Orkestra e Muzikës Popullore e Radios Kombëtare Bullgare, Kuarteti “Svetogllas” dhe këngëtarja popullore Julia Gatderova.

Ndër pikat kryesore të vizitës së Ilijana Jotovës është edhe një takim me drejtuesit e Universitetit të qytetit Ruse “Angell Kënçev” dhe të degës së tij të sapohapur në qytetin Taraklia. Kjo degë është pasardhëse e Universitetit Shtetëror të Taraklias “Grigorij Cambllak”. Kjo transformim krijon më shumë mundësi për studim dhe për tërheqjen e të rinjve përmes specialiteteve të ndryshme. Ideja për këtë filial lindi gjatë vizitës së parë të Ilijana Jotovës në Moldavi në cilësinë e nënkryetares së shtetit, në vitin 2017.

Më 20 shtator, me ftesë të kryetarit të rajonit Taraklia, Ilijana Jotova do të hapë Festivalin e 24-të Ndërkombëtar Etnokulturor “Diversitet në unitet”. Ky festival paraqet traditat, jetesën dhe kulturën e etnive të ndryshme që jetojnë në Republikën e Moldavisë. Në rajonin e Taraklias, mbi 70% e popullsisë është me origjinë bullgare, ndërsa komuniteti bullgar në këtë zonë ka një histori mbi 200-vjeçare.

Lexoni më shumë në arkiivin e Radio Bullgarisë: 

• Universiteti i Ruses mori ndërtesën e degës së tij në Taraklia

• Specialitete të reja universitare dhe perspektivë evropiane për të rinjtë bullgarë në Besarabi

• 150 studentë me origjinë bullgare do të mund të studiojnë në Universitetin e Ruses në Taraklia

• Bullgarët në Moldavi shpresojnë se e ardhmja evropiane e vendit do të ndihmojë në ruajtjen e traditave të tyre

• Identiteti për bullgarët besarabë është gjëja më e sigurt që ata kanë

• Bullgarët në Taraklia ende mbajnë kostumet e tyre kombëtare