Kryeministri Rosen Zheljazkov mbërriti në Nju Jork në krye të delegacionit bullgar që merr pjesë në sesionin e 80-të të Asamblesë së Përgjithshme të Kombeve të Bashkuara. Gjatë vizitës, pritet që ai të mbajë një fjalim para Asamblesë dhe të zhvillojë takime dypalëshe me përfaqësues të shteteve të tjera, organizatave ndërkombëtare dhe përfaqësues të biznesit. Është planifikuar gjithashtu edhe një takim me Sekretarin e Përgjithshëm të OKB-së, António Guterres. Në përbërje të delegacionit bullgar janë edhe ministri i punëve të jashtme Georg Georgiev, ministri i drejtësisë Georgi Georgiev, ministri i shëndetësisë Silvi Kirilov, ministri i energjetikës Zheço Stankov dhe ministri i punës dhe politikës sociale Borislllav Gucanov. Tema e sesionit të sivjetshëm është: “Më mirë së bashku: 80 vjet dhe përtej, në emër të paqes, zhvillimit dhe të drejtave të njeriut”.
Me rastin e 117-vjetorit të shpalljes së Pavarësisë së Bullgarisë, kryeministri Zheljazkov do të jetë i ftuar i veçantë në pritjen zyrtare për komunitetin bullgar, e organizuar nga Konsullata e Përgjithshme e Bullgarisë.
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: BTA
Gjyqtarët u shprehën kundër instalimit të një agjenti të ri antivirus në kompjuterët e tyre. Magjistratët shprehin shqetësim se ai do të shkelë të gjitha rregullat për mbrojtjen e të dhënave personale, si dhe pavarësinë e gjyqësorit. Me një letër..
Lideri i GERB-it, Bojko Borisov, deklaroi në korridoret e parlamentit se Bullgaria do të bëhet anëtare e eurozonës më 1 janar, pavarësisht protestave të organizuara nga përfaqësues të PP-DB. Ai komentoi thirrjet e opozitës për protesta kundër..
Kufijtë nuk mund të ndryshohen me forcë dhe siguria afatgjatë e Ukrainës duhet të garantohet. Këtë e deklaroi kryeministri Rosen Zheljazkov në një videokonferencë të “Koalicionit të të gatshmëve“, të udhëhequr nga presidenti i Francës, Emmanuel..
Reshje
Reshje intensive