Dimana Mirçeva, e njohur si DIA, tërhoqi vëmendjen si nxënëse në Shkollën Kombëtare të Muzikës "Ljubomir Pipkov" në Sofje, kur interpretoi këngën e saj të parë origjinale.Që atëherë, ajo i interpreton këngët e saj me respekt për folklorin bullgar, duke mbështetur njëkohësisht edhe folklorin origjinal bashkëkohor.

Kënga e saj më e re - "Nga puthja nuk mbetet asnjë shenjë" - u krijua në bazë të një këngë bullgare më shumë se njëqindvjeçare. DIA e zbuloi atë në një përmbledhje këngësh popullore autentike, të përpiluara në vitin 1924. Kur pa titullin origjinal "Nga puthjanuk mbetet asnjë shenjë", këngëtarja u impresionua menjëherë, sepse për të tingëllonte si një magji, dhe e frymëzuar nga këto fjalë dhe historia pas tyre, ajo filloi të krijonte një tekst krejtësisht të ri. Dhe historia është si më poshtë:

"Në versionin origjinal të këngës flitet për një djalë që i jep vajzës dhurata të ndryshme, në mënyrë që ajo të pranojë të jetë е dashura e tij.Por në fund ai thotë: "Nuk do t'i jap këto dhurata, sepse nuk janë aq të vlefshme sa një puthje. Një puthje nuk lë gjurmë - shenja humbet, por puthja nuk harrohet." Kjo është ndoshta gjëja më e mirë që mund të japim si njerëz që duam dhe duam të na duan."

DIA zhvilloi tekstin dhe muzikën bazuar në këngën origjinale, kurse aranzhimi është përsëri vepër e Aleks Nushevit. Vokalet mbështetëse janë nga këngëtarja popullore Gabriella Millanova.

Lidhur me pamjen vizuale të këngës "Nga puthja nuk mbetet asnjë shenjë", DIA ndan:

"Videoklipi i këngës është one-shot, gjë për të cilën jam jashtëzakonisht krenare. Ky xhirim i pandërprerë më dha shumë, sepse në këto tre minuta duhet të jesh maksimalisht i disiplinuar, të jesh këtu, në vend, i përqendruar sa më shumë të jetë e mundur, në mënyrë që gjërat të funksionojnë. Ishte shumë frymëzuese për mua."

• "Është vonë" – një këngë e frymëzuar nga forca e gruas bullgare për ta mbrojtur dashurinë

• DIA magjeps me muzikën e saj prej autori të bazuar në folklor

• Vajzat e guximshme janë gjithmonë një hap përpara, na thotë DIA në këngën “Më djeg”

• Dimana Mirçeva – Dia: “Dua të tregoj të ardhmen e këngës popullore bullgare”

Përgatiti në shqip dhe publikoi: Vesella Mançeva

Foto: Facebook/DIA