Një burrë u mbyt në një garazh nëntokësor të një ndërtese në fshatin turistik Elenite, njoftoi administrata rajonale e Burgasit, e cituar nga BTA. Trupi i tij u gjet gjatë një kërkimi nga shërbimi i zjarrfikësve. Ndërkohë, guvernatori i rajonit të Burgasit, Vlladimir Krumov, konfirmoi se në fshatin turistik Elenite është gjetur një viktimë e dytë e përmbytjes, njoftoi korrespondentja e BNR-së në Burgas, Daniella Kostadinova. Ky është operuesi i ekskavatori që kërkohej. Ai shkoi për të ndihmuar, por u zhduk dhe më vonë u gjet i vdekur.

Ekipet e shpëtimit vazhdojnë të kontrollojnë ndërtesat. Deri më tani, gjashtë gra - tre prej të cilave janë nga Polonia - janë evakuuar nga vendpushimi në komunën Nesebër.

Në këtë fazë, automjetet jashtë rrugës po hasin vështirësi në arritjen e ndërtesave të përmbytura në disa zona. Janë marrë raportime për njerëz në vështirësi, si dhe për makina dhe ndërtesa nën ujë. Janë dërguat ekipe nga Nesebër dhe Pomorie, zhytës dhe një amfib i specializuar janë gjithashtu në vendngjarje, përfshirë nga Varna.

Rreth 50 persona në katër ndërtesat më të rrezikuara janë ngjitur në katet e sipërme dhe tani janë të sigurt.

Zëvendësministri tha gjithashtu se për shkak të reshjeve të dendura të shiut në rrethet e Burgasit, Montanës dhe Pernikut, është shpallur gjendje e jashtëzakonshme.

• Sipas informacioneve të pakonfirmuara, ka të vdekur nga fatkeqësia në “Elenite”

Redaktoi: Diana Cankova

Përgatiti në shqip dhe publikoi: Vesella Mançeva

Foto: Oleksii Aharkov