Gazetari investigativ bullgar Hristo Grozev mori çmimin e tij si Gazetari Evropian i Vitit në një ceremoni zyrtare në Berlin. Ai ishte një figurë kyçe në kërkimin e ish-menaxherit të Wirecard, Jan Marsalek, në Moskë, si dhe në zbulimin e një numri aktivitetesh nga shërbimet e inteligjencës ruse.
"Ky çmim thjesht më jep një përgjigje pse këto njëmbëdhjetë vjet privimesh të konsiderueshme, mungesë nga familja ime, veçanërisht katër vitet e fundit që më është dashur të jetoj si eremit, pa i parë fëmijët e mi, pa qenë as i pranishëm në ditët e fundit të babait tim, ia vlenin. Domethënë, kishte kuptim! Për mua, ky çmim është pothuajse aq i rëndësishëm sa fakti që fëmijët e mi vazhdojnë të jenë krenarë për atë që bëj dhe nuk janë të zemëruar për mungesën time", komentoi Hristo Grozev për Radion Kombëtare Bullgare.
Gjatë festivalitdhe konkursit më të madh të medias në Evropë, Prix Europe, në Bashkinë e Berlinit u ndanë 13 çmime për prodhimet më të mira evropiane audio, video dhe mediatike dixhitale të vitit. U nominuan gjithsej 162 programe nga 30 vende, përfshirë versionin audio të serisë "Unë" të BNR-së. Ky është një seri unikeprej videosh dhe audiosh për median tonë, e krijuar nga një ekip i Drejtorisë së Programeve Dixhitale të BNR-së, e cila ofron një mundësi për të ripërcaktuar identitetin përmes suksesit, duke u dhënë hapësirë zërave që shumë shpesh margjinalizohen ose keqkuptohen.
Ngjarja ishte e rëndësishme për radion tonë publike sepse u njoftua zyrtarisht anëtarësimi i medias sonë në Aleancën PRIX EUROPA, dhe Drejtori i Përgjithshëm i Radios Kombëtare Bullgare, Milen Mitev, ia dorëzoi çmimin në kategorinë e Dokumentarit Audio.
Redaktoi: Elena Karkallanova
Përgatiti në shqip dhe publikoi: Vesella Mançeva
Foto: БНР, Ivo Todorov/Facebook
Këtë vit Krishtlindja “mbërriti” në Sofje që në nëntor, me aromë të verës së ngrohtë, kanellës dhe magjisë festive. Radio Bullgaria ju rekomandon të vizitoni disa prej këndeve të Krishtlindjes në kryeqytet: Për më të paduruarit për të pritur..
Muzeu i parë i arit investues mirëpret në Plovdiv vizitorë që duan të mësojnë më shumë rreth historisë së parave dhe lidhjes së tyre me arin – nga lindja e arit, origjina e tij kozmike dhe rruga e tij deri në Tokë, deri tek mënyra se si ky metal i çmuar..
Më 16 nëntor do të shënojmë Ditën e “Caritas” – organizatës bamirëse të Kishës Katolike, e cila përmes kujdesit dhe gjesteve të mëshirës mbjell shpresë në zemrat e atyre që kanë nevojë. Në këtë ditë do të kujtojmë se më e rëndësishmja nuk është pasuria..
Vranësira
Reshje intensive
Vranësira