Dyshimet për mashtrim në shkallë të gjerë me fondet e BE-së në një projekt për ndërtimin e një ferme midhjesh në Detin e Zi - në juglindje të Kepit Emine në komunën e Nesebërit kanë nxitur një hetim nga Zyra e Prokurorit Evropian.
Projekti u miratua në vitin 2020 sipas një marrëveshjeje granti me afat zbatimi deri në shtator 2021, njoftoi korrespondentja e BNR-së në Bruksel Angelina Piskova. Me kërkesë të Zyrës së Prokurorit Evropian, më 1 tetor të këtij viti, hetuesit dhe zhytësit nga Drejtoria Kryesore "Policia Kufitare" - Burgas kryen një inspektim të shtratit të detit në një sipërfaqe prej 240 mijë metrash katrorë duke përdorur dronë nënujorë dhe ajrorë. Pamjet video nënujore nuk treguan gjurmë të infrastrukturës që lidhen me një fermë midhjesh, dhe në fund kishte vetëm rërë.
Për zbatimin e projektit, përfituesi mori shumën prej mbi 280 mijë eurosh, nga të cilat mbi 210 mijë nga Fondi Evropian Detar dhe i Peshkimit, dhe pjesa tjetër nga buxheti kombëtar. Hetimi vazhdon me mbështetjen e Drejtorisë së Përgjithshme të Policisë Kombëtare.
Redaktoi: Diana Cankova
Përgatiti në shqip dhe publikoi: Vesella Mançeva
Foto: BGNES
Gjyqtarët u shprehën kundër instalimit të një agjenti të ri antivirus në kompjuterët e tyre. Magjistratët shprehin shqetësim se ai do të shkelë të gjitha rregullat për mbrojtjen e të dhënave personale, si dhe pavarësinë e gjyqësorit. Me një letër..
Lideri i GERB-it, Bojko Borisov, deklaroi në korridoret e parlamentit se Bullgaria do të bëhet anëtare e eurozonës më 1 janar, pavarësisht protestave të organizuara nga përfaqësues të PP-DB. Ai komentoi thirrjet e opozitës për protesta kundër..
Kufijtë nuk mund të ndryshohen me forcë dhe siguria afatgjatë e Ukrainës duhet të garantohet. Këtë e deklaroi kryeministri Rosen Zheljazkov në një videokonferencë të “Koalicionit të të gatshmëve“, të udhëhequr nga presidenti i Francës, Emmanuel..
Reshje
Vranësira të dendura
Vranësira
Vranësira të dendura me shi
Reshje intensive