Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Nxënësit prezantojnë trashëgiminë arkitekturore të Plovdivit në letër guri

Foto: Organizatorët

Një ekspozitë me punime në letër guri hapet sot, 21 tetor, në Bibliotekën Kombëtare “Ivan Vazov” në Plovdiv, njoftoi institucioni. Autorët e tyre janë të diplomuar në Shkollën Kombëtare të Arteve “Canko Llavrenov” dhe në Shkollën Kombëtare të Arteve Skenike dhe Kinematografike.

Ekspozita përfshin 24 piktura. Të gjitha janë krijuar në materialin e ri, i cili stimulon kuriozitetin krijues dhe shpirtin eksperimental të artistëve të rinj.

Letra prej guri dallohet nga një sipërfaqe e lëmuar dhe, ndryshe nga celuloza tradicionale, nuk lejon që uji dhe yndyra të depërtojnë përmes saj. Përveç kësaj, është një produkt miqësor me mjedisin, pasi nuk priten pemë për prodhimin e saj dhe nuk përdoren sasi të mëdha uji.

"Gjatë këtij muaji të veçantë për arkitektët dhe artistët, kemi mundësinë t'ju kujtojmë se sa e rëndësishme është puna e projektuesve për mjedisin urban përmes syve të artistëve të rinj. Vizioni i të rinjve për arkitekturën dhe trashëgiminë arkitekturore është veçanërisht i rëndësishëm, sepse ne mbështetemi tek ata që të marrin stafetën për ruajtjen e saj në të ardhmen", thonë organizatorët, të cituar nga BTA.

Në këtë aktivitet do të ndahen çmime dhe certifikata për kontributin e pjesëmarrësve në promovimin e trashëgimisë arkitekturore të Plovdivit.

Redaktoi: Diana Cankova

Përgatiti në shqip dhe publikoi: Vesella Mançeva

Foto: Organizatorët



Последвайте ни и в Google News Showcase, за да научите най-важното от деня!

Më shumë nga rubrika

Mbi 86% e njerëzve mendojnë se rritja e pagave gjatë vitit 2025 nuk është e mjaftueshme

Rritja e pagës minimale (PM) mbështetet nga 54.1% e bullgarëve. Një e treta e të anketuarve mendojnë se PM duhet të jetë e barabartë me pagën e nevojshme për jetesë. Këto tregojnë rezultatet e një sondazhi përfaqësues të agjencisë “Mjara”, i porositur..

botuar më 25-11-30 6.55.PD

Çmimet e banesave në Sofje janë rritur me 25.5%

Çmimi mesatar i banesave të blera në Sofje në tremujorin e tretë të vitit 2025 arriti në 2,310 euro/m², që është një rritje vjetore prej 25.5%, sipas të dhënave nga Bulgarian Properties. Ndërtimet e reja mbeten më të preferuarat, por mungesa e..

botuar më 25-11-29 1.05.MD

Forumi DiVino.Taste ofron shije të reja dhe interesante nga vreshtat në të gjithë vendin

Botimi i katërmbëdhjetë i DiVino.Taste – forumi më i rëndësishëm i përkushtuar verës bullgare dhe mjeshtërve të saj – do të mbahet nga 28 deri më 30 nëntor në Qendrën Inter Expo në Sofje. Në të do të prezantohen mbi 80 prodhues nga të gjitha rajonet e..

botuar më 25-11-28 5.55.PD