"Po, Bullgaria" (pjesë e "Bullgarisë Demokratike") e përcaktoi buxhetin për vitin e ardhshëm si një "cunami ekonomik". Ivajllo Mirçev ishte kategorik se partia do ta kundërshtojë atë kur projekti të dalë për diskutim në parlament. "Dje na u paraqit buxheti më i keq që nga koha e Zhan Videnovit - në 30 vitet e fundit, buxheti nuk ka përfaqësuar kurrë një cunami të tillë ekonomik për ekonominë, kurrë shteti nuk e ka drejtuar armën e tij ndaj biznesit në këtë mënyrë. Sipas fjalëve të tij, Bullgaria është aktualisht në rrugën e saj për të ndjekur Rumaninë, por me disa dallime. "Rumania ishte shumë e ngadaltë për të hyrë në këtë skenar për 10 vjet. "Bullgaria është në rrugën e saj për të hyrë në skenarin rumun pas tre ose katër vjetësh, dhe pas tre ose katër vjetësh do të detyrohemi të kthehemi në dimrin e vitit 1997, kur po i shkurtonim shpenzimet shumë seriozisht", komentoi Mirçev. Martin Dimitrov nga partia theksoi se partia në pushtet nuk e ka mbajtur premtimin e saj për të mos rritur taksat dhe dha si shembull rritjen e dyfishtë të "taksës së dividentëve" dhe rritjen e kontributit të sigurimeve shoqërore. "Po, Bullgaria" e përshkroi si skaçndaloze futjen nga 1 janari i vitit të ardhshëm të një detyrimi për të gjitha institucionet tregtare që të përdorin vetëm softuer të miratuar nga shteti - një masë që u anulua në vitin 2020, pasi krijon një barrë shtesë për biznesin.

Lexoni më shumë në arkivin e Radio Bullgarisë:

• A është e pashmangshme rritja e tatimeve për të përmirësuar buxhetin e shtetit?

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BGNES