Mbi 20 artistë nga Bullgaria, Gjermania, Italia, Holanda, Franca dhe Republika Çeke do të marrin pjesë në edicionin e tretë të festivalit Sofia Experimental nga 5 deri më 9 nëntor. Në serinë e koncerteve, leksioneve, prezantimeve dhe punëtorive muzikore, publiku do të ketë mundësinë të prekë dhe të njihet me zhvillime origjinale të ndërfaqeve muzikore dhe praktikave muzikore inovative jokonvencionale, informojnë organizatorët. Vendet janë Instituti "Goethe", shkolla e muzikës “Rockschool”, Akademia Kombëtare e Muzikës, hapësira kulturore “Bobina”, klubi “Atelieto”, raporton BTA.
Hapja është më 5 nëntor me një demonstrim dhe koncert të Korhan Erel. Ai ka lindur në vitin 1973 në Stamboll, por jeton në Berlin që nga viti 2014. Një artist jo-binar që punon në fushën e muzikës elektronike, improvizimit dhe dizajnit të zërit. Ai luan instrumente që i projekton në një kompjuter, ose instrumente të tjera elektronike, duke përdorur kontrollues të ndryshëm. Në Sofje, Korhan Erel do të flasë për instrumentet e tij, projektet e tij solo dhe bashkëpunuese me artistë të tjerë dhe skenën underground të Berlinit. Pas kësaj, do të fillojë një eksperiment midis Korhan Erel dhe anëtarëve të Ansamblit të Sofjes Improwise.
Redaktoi: Miglena Ivanova
Përgatiti në shqip dhe publikoi: Vesella Mançeva
Foto: Instagram/Infinityexperimental
Qyteti i dytë më i madh në Bullgari Plovdiv do të ofrojë koncerte, pazare dhe një park akulli për festat e Krishtlindjeve dhe të Vitit të Ri për qytetarët dhe mysafirët e tij, njoftoi bashkia. Tradicionalisht, kryetari i bashkisë Kostadin..
Të enjten , temperaturat minimale do të jenë nga 3 deri në 19°, në lindje deri në 15-19°, ndërsa në Sofje do të jetë rreth 6°. Gjatë ditës do të jetë me re dhe me shi. Shira të konsiderueshëm do të ketë që gjatë natës në Bullgarinë Perëndimore,..
Autonomia e rajonit të Taraklia-s do të ruhet në kuadër të reformës së ardhshme të administratës shtetërore të Moldavisë. Këtë e siguroi kryeministri moldav Alexandru Munteanu në një takim me ambasadoren bullgare Maja Dobreva, raporton Ambasada e..