Bankomatet do të mbushen me euro natën e 1 janarit 2026. Në mëngjes, të gjithë do të jenë në gjendje të tërheqin kartëmonedha euro. Kjo u njoftua për Radion Kombëtare Bullgare nga Nikolla Bakallov, Drejtor Ekzekutiv i një prej bankave kryesore në vendin tonë dhe anëtar i Bordit Drejtues të Shoqatës së Bankave në Bullgari.

Ai gjithashtu kujtoi thirrjen e institucioneve bankare: "Kushdo që ka sasi të mëdha levash bullgare në para të gatshme duhet t'i depozitojë ato pa pagesë në llogarinë e tij dhe në natën e Vitit të Ri ato do të konvertohen automatikisht dhe pa pagesë në euro me kursin zyrtar të këmbimit prej 1.95583 leva për 1 euro".

"Kjo është e vetmja mënyrë për ta bërë këtë pa asnjë përpjekje. Pas 1 janarit, do të jetë ende falas me kursin zyrtar, por pritjet tona janë se në ditët e para pas Vitit të Ri do të ketë shumë njerëz që do vendosin ta bëjnë në minutën e fundit dhe se do të ketë radhë njerëzish që duan të këmbejnë leva në euro", shtoi ai.

Lexoni më shumë në arkivin e Radio Bullgarisë:

• Para vendosjes së euros, njerëzit janë pesimistë për gjendjen e tanishme dhe të ardhshme ekonomike

• Euroja nuk do të ndryshojë çmimet e pasurive të paluajtshme pas 1 janarit 2026

• Për shkak të aplikimit të euros, njerëzit po depozitojnë masivisht para në banka

• Zëvendëskryeministri Tomisllav Donçev: Frika për futjen e euros do të kapërcehet shpejt

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BNT