Qeveria do të miratojë dhe do t'i paraqesë Asamblesë Kombëtare projektligjet për buxhetin e shtetit për vitin 2026, në versionin e rënë dakord me palët mbështetëse. Ky vendim u arrit pasi katër organizatat e punëdhënësve refuzuan të merrnin pjesë në mbledhjen e jashtëzakonshme të Këshillit Kombëtar për Bashkëpunim Trepalësh të thirrur për sot, 13 nëntor.

Zëvendëskryeministri Tomisllav Donçev anuloi mbledhjen e planifikuar mbrëmë, duke thënë: "Në punën e saj, qeveria është udhëhequr gjithmonë nga qëndrimi parimor se dialogu social është i nevojshëm për të gjitha vendimet e rëndësishme në vend. Qeverisja e mirë kërkonte që ne të konsultohemi me të gjithë partnerët socialë, por refuzimi i përsëritur i disa prej tyre për të marrë pjesë në mbledhjen e Këshillit Kombëtar për Bashkëpunim Trepalësh i jep një vlerësim të qartë qëndrimit të tyre ndaj buxhetit."

Përfaqësuesit e biznesit refuzuan planin e propozuar të buxhetit të shtetit, i cili parashikon një rritje të dyfishtë të taksës së dividentëve, një rritje prej 2% të sigurimit të pensioneve dhe një rritje të hershme të të ardhurave maksimale të sigurimeve shoqërore. Shoqata e Punëdhënësve njoftoi se po tërhiqet nga qëndrimi i shumicës në pushtet për ruajtjen e modelit të sigurimit tatimor duke sekuestruar fonde shtesë nga sektori real për të financuar shpenzimet joefikase në sferën buxhetore, kujton gazetarja e BNR-së Cvetelina Stojanova.

Lexoni më shumë në arkivin tonë:

• GERB: "Punëdhënësit duan TVSH më të lartë", punëdhënësit: "Nuk ka një ide të tillë!"

• Një nga sindikatat kryesore të vendit kundërshton Buxhetin 2026

• Biznesi bojkoton diskutimin e buxhetit të vitit 2026, duke e quajtur atë “të majtë”

• "Po, Bullgaria" e përcaktoi Buxhetin 2026 si një "cunami ekonomik"

Redaktoi: Diana Cankova

Përgatiti në shqip dhe publikoi: Vesella Mançeva

Foto: BTA