Nata e Teatrove në 11 qytete të Bullgarisë

botuar më 25-11-15 8.15.PD

Foto: theatresnight.org

Teatrot në Bullgari tashmë po i numërojnë orët deri në ngritjen e perdes së edicionit të 13-të të Natës së Teatrove. Mbrëmja emocionuese do t’i shndërrojë skenat në 11 qytete bullgare në një festë të vërtetë të artit.

Këtë vit iniciativa vjen me mesazhin – “Jeta e natës së teatrit”, dhe ambasadorët e saj janë aktorë të dashur, të cilët marrin pjesë edhe në projektin e veçantë fotografik “Personazhe të natës”.

Nata e Teatrove te ne është pjesë e platformës Nata Evropiane e Teatrit. Ideja për ngjarjen vjen nga Franca dhe është e dramaturges Eleonora Rosi, por projekti pilot nisi që në vitin 2008 në Kroaci. Gradualisht përfshirja u zgjerua dhe sot në këtë iniciativë marrin pjesë Bosnja dhe Hercegovina, Mali i Zi, Sllovakia, Austria, Sllovenia, Gjermania, Spanja, Belgjika, Çekia dhe, sigurisht, Bullgaria.

Tek ne programi është mbresëlënës – 90 ngjarje në zhanre të ndryshme do të ndriçojnë natën e nëntorit në Sofje, Plovdiv, Varna, Burgas, Ruse, Blagoevgrad, Pleven, Simitli, Kërxhali, Gabrovo dhe Pazarxhik. Dhe teatri sërish do të marrë frymë, do të flasë dhe do ta ftojë publikun të përjetojë magjinë e tij në një mënyrë të ndryshme, por gjithmonë emocionuese.

Përpiloi: Joan Kolev

Përgatiti në shqip dhe publikoi: Kostandina Bello

Foto: theatresnight.org

Последвайте ни и в Google News Showcase, за да научите най-важното от деня!

Ndaje

Nata e Teatrove në 11 qytete të Bullgarisë

Më shumë nga rubrika

Ekspozita "Mesazhi Bullgar nga Basarabia" për Ditën e Bullgarëve të Basarabisë

Shpallen Fituesit e Çmimeve Letrare Mbarëkombëtare “At’ Gjergj Fishta”

Silvija Tomova dhe trupa e saj elitare shumëkombëshe e baletit nga Stara Zagora