Në pamundësi për të qenë e pranishme, çmimin e mori vajza e saj, Milena Selimi, e cila përcolli përshëndetjen e Jankës: 

“Jam thellesisht e prekur nga kjo mirënjohje e botës së  librit dhe kulturës. Ajo më jep ndjesinë, në moshën që kam, se, nuk kam punuar dhe jetuar pa lënë një gjurmë modeste për njohjen nëpërmjet gjuhës dhe librit me botën  shpirterore të dy vendeve shumë te shtrenjtë për mua, Bullgarisë dhe Shqipërisë, te cilat në kohën time quheshin vende vëllezër dhe që sot, uroj sa më shpejt të bëhen perseri të tilla, duke njohur edhe më gjerësisht botën me civilizimet tona. Admirimi im shkon për fjalën dhe përkthimin të cilat ishin dhe mbeten pasioni im. Tashmë ia kam kaluar stafetën vajzes time Milenes, me urimin që të fillojë perkthimin edhe nga shqip bullgarisht, pse jo. Uroj të gjithë përkthyesit të vazhdojnë transportin e kulturës në gjuhët që përkthejnë, sepse kjo është trashegimia e vetme e qëndrueshme e kombeve.” 

Falënderime të veçanta iu drejtuan Shoqatës së Botuesve Shqiptarë, kryetarit Petrit Ymeri, Ambasadës Bullgare, ambasadorit Ivaylo Kirov, si edhe Konsullit të Bullgarisë në Tiranë, z. Petër Prinov, i cili dorëzoi çmimin.

Janka Selimi, e cila sivjet na dhuroi edhe një ripunim të shkëlqyer të veprës “Roman Natyral” të Georgi Gospodinov, dëshmon se 90 vitet e jetës së saj janë një mozaik i ndritshëm përkushtimi, pune, rezistence dhe dashurie. Përkthimet e saj mbeten një pasuri e kulturës sonë.