Në një dyqan në Shkup, publikisht, me fjalë dhe goditje, u sulmua gazetari dhe doajen i komunitetit bullgar në Maqedoninë e Veriut, Vlladimir Perev. Për ngjarjen informoi vetë ai në një publikim në faqen “Tribuna”. Perev, i cili është 80 vjeç, u godit në fytyrë dhe iu thyen syzet. “Nga goja juaj e ndyrë bullgare nuk dua të dëgjoj fjalën maqedonase… ju, bullgarët, ikni në Bullgari… nëse ndonjëherë të dëgjoj të flasësh për maqedonas ose për veten si maqedonas, do të të vras…”, citon Perev fyerjet që iu drejtuan nga një burrë rreth të 40-ave, në radhë pranë arkës së dyqanit. Perev bëri një kallëzim në polici dhe incidenti u regjistruar nga autoritetet.

E dënojmë kategorikisht aktin e radhës të dhunës së motivuar nga urrejtja ndaj një bullgari në Republikën e Maqedonisë së Veriut – një dukuri që, për fat të keq, ushqehet nga atmosfera e tanishme shoqërore-politike dhe retorika antibullgare. Këtë e deklarojnë nga Ministria e Punëve të Jashtme, në lidhje me sulmin e radhës kundër një bullgari në Maqedoninë e Veriut. Në deklaratë theksohet se Ministria e Punëve të Jashtme dhe Ambasada e Republikës së Bullgarisë në Shkup mbajnë kontakt të vazhdueshëm me Vlladimir Perevin – një nga përfaqësuesit më të respektuar të komunitetit bullgar në Republikën e Maqedonisë së Veriut.

Sipas burimeve të Radio Bullgarisë, të martën, më 25 nëntor, përfaqësia bullgare do t’i informojë zyrtarisht ambasadat e vendeve të BE-së në Shkup për rastin e radhës të agresionit ndaj bullgarëve maqedonas në Maqedoninë e Veriut.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA