Botimi i katërmbëdhjetë i DiVino.Taste – forumi më i rëndësishëm i përkushtuar verës bullgare dhe mjeshtërve të saj – do të mbahet nga 28 deri më 30 nëntor në Qendrën Inter Expo në Sofje. Në të do të prezantohen mbi 80 prodhues nga të gjitha rajonet e verës, të cilët do të ofrojnë degustim të rreth 600 prej verërave më të mira bullgare. Përveç mundësisë për të provuar seleksionin e verërave nga vreshta të vegjël butik deri te markat e mëdha të njohura, vizitorët do të njoftohen me verëtarët dhe historitë e tyre. Sipas organizatorëve, forumi do të shndërrohet në një vend frymëzues për dialog, ku shkëmbehen opinione, ide dhe përvoja, si mes profesionistëve, ashtu edhe mes amatorëve. DiVino.Taste ofron gjithashtu një program shoqërues me klasa mjeshtërore, të dedikuara për tema kyçe nga bota e verës, si dhe prezantime nga ekspertë të shquar ndërkombëtarë të verës, të cilët do të ndajnë pikëpamjet e tyre mbi potencialin dhe zhvillimin e skenës vendase.
Redaktoi: Diana Cankova
Përgatiti në shqip dhe publikoi: Svetllana Dimitrova
Foto: DiVino.Taste
Rritja e pagës minimale (PM) mbështetet nga 54.1% e bullgarëve. Një e treta e të anketuarve mendojnë se PM duhet të jetë e barabartë me pagën e nevojshme për jetesë. Këto tregojnë rezultatet e një sondazhi përfaqësues të agjencisë “Mjara”, i porositur..
Çmimi mesatar i banesave të blera në Sofje në tremujorin e tretë të vitit 2025 arriti në 2,310 euro/m², që është një rritje vjetore prej 25.5%, sipas të dhënave nga Bulgarian Properties. Ndërtimet e reja mbeten më të preferuarat, por mungesa e..
Të premten , temperaturat minimale do të jenë nga 4 deri në 9°, në juglindje deri në 12°, në Sofje - do të jetë rreth 6°. Moti me re do të mbetet gjatë 24 orëve të ardhshme. Do të bjerë shi pothuajse në të gjithë vendin. Gjatë ditës, shirat do të..