“Muzika është faqja unike e çdo kombi. Ndërsa muzika e Ballkanit na tregon sa të afërt jemi njerëzit, që e popullojmë këtë rajon. Muzika jonë na dallon nga të gjitha kulturat e tjera të botës.” Në këtë është i bindur Dimitër Hristovi – dirigjent i Orkestrës së Muzikës Popullore pranë Radios Kombëtare Bullgare. Si një kompozitor origjinal, autor i aranzhimeve dhe ekzekutues virtuoz, Dimitër Hristovi i ka vënë vetes detyrën ambicioze, që me orkestrën të prezantojë muzikën e rajoneve të ndryshme. Më 13 mars bashkë me Orkestrën e Muzikës Popullore pranë Radios Kombëtare Bullgare në skenë u prezantuan Hakan Gungur nga Turqia, Stefçe Stojkovski nga Maqedonia, Mateos Coharidis nga Greqia dhe Marin Geras nga Moldavia.

Për koncertin Dimitër Hristovi shpjegon: “Ideja ime iu bazohet vetive të përbashkëta të folklorit ballkanik. Marin Gerasi lindi në kufirin midis Rumanisë dhe Moldavisë. Ai i bie flautës pan, është solist i Ansamblit Popullor Moldavian “ZhOK”. Stefçe Stojkovski nga Maqedonia është një muzikant virtuoz. Ai i bie fyellit, gajdes, tamburasë. Hakan Gungor nga Turqi është një ekzekutues i mrekullueshëm i qanunit. Fyelltari bullgar Nedjallko Nedjallkov para kohe incizoi albumin e tij të dytë prej autori. Edhe Hakan Gungor është njeri prej ekzekutuesve në këtë album. Mateos Coharidisi ka mbaruar studimet e muzikës në Britaninë e Madhe. Ai i bie lirës pontiake. Ideja ishte, që të prezantojmë bukurinë e muzikës ballkanike. Arti afron njerëzit dhe popujt. Kemi në plan me Orkestrën e Radios të japim koncerte edhe në vendet fqinje ballkanike.”

Klikoni këtu për ta ndjekur koncertin

Përgatiti në shqip: Svetllana Dimitrova