Mezi 7 vjeç, Pllamen bëri provat e tij të para të shkruajë këngë, i ndikuar nga babai i tij, i cili i binte kitarës. Kaloi vite të tëra me radhë në Suedi, ku u bë dëshmitar i lulëzimit të një skene shumë të fortë reggae. Aty ai ka pasur mundësinë të marrë pjesë në festivalin reggae në Upsalla. “Për herë të parë takova artistë, për të cilët kam ëndërruar t’i shikoj”, kujtohet Zafayah.

Ka njerëz, për të cilët ky stil nuk është thjesht muzikë, por filozofi e jetës. A duhet të bëhet ai një pjesë nga kultura pop bullgare ose të mbetet e paracaktuar për vlerësuesit?

“Reggae është një muzikë e masave – përgjigjet Zafayah. – Sa më shumë njerëz e dëgjojnë, kaq jam dhe më i lumtur. Ajo sjellë një mesazh të thellë social dhe jam i kënaqur nga fakti se, vazhdimisht hyn në hapësirën e medieae. Nuk do të bëhem trivial me shprehje si: Regga predikon idenë për barazi midis njerëzve, një luftë me korrupsionin... Çfarë kuptimi ka një mesazh në qoftë se nuk është i përkrahur me veprime? Disa nga interpretuesit e mi të dashur me të vërtetë mundohen të ndryshojnë botën në të cilën jetojmë dhe kjo më gëzon shumë.”

Më 20 qershor, jo larg nga Plovdivi, filloi Festivali “Wake Up”. Ai është mbase i pari në Bullgari, i cili i ofron skenë këtij stili për një natë të tërë”, tregon Zafayah, i cili u paraqit në ditën e fundit nga programi i forumit. Ja se mbi çfarë gjëje tjetër është e përqendruar vëmendja e muzikantit aktualisht: “Videoja ime e re është me një nga artistët reggae më të mëdhenj – Xhakustiks. Ai është nga Gjermania, por është një qytetar i vërtetë i botës. Ka jetuar në Afrikë, në Amerikën Jugore, ShBA. Në sajë të iniciativës sonë dhe të Institutit Goethe në Bullgari, bëmë një projekt, singëli i të cilit pilot do të dalë gjatë shtatorit. Quhet “The great forgettin”. Mendoj se videoja do të jetë shumë interesante, sepse në të ka mjaft animacion. Po kështu aktualisht po punoj dhe me producentin Bejs Kets nga “Platform Label” mbi një projekt i cili është një gjë krejtësisht e re për mua. Ai është drejtuar ndaj stilit dubstep. Pres që videoja të dalë shumë shpejt.”

Përgatiti në shqip: Nataniela Vasileva