31 korriku për Kishën Ortodokse dhe besimtarët është dita e fundit në të cilën mund të hahet mish dhe bulmetra para kreshmës së Fjetjes së Hyjlindëses e cila fillon më 1 gusht. Kreshmët e Hyjlindëses  zgjaten 2 javë dhe përfundojnë më 15 gusht kur kremtohet një nga festat më të mëdha të krishtera, Fjetjen e Hyjlindëses së Bekuar.

• Kremtojmë Fjetjen e Hyjlindëses

Kreshmët e Virgjëreshës nuk janë aq të rrepta sa Kreshmët e Pashkëve. Ndalohet konsumimi i mishit, bulmetrave dhe alkoolit.

Më 6 gusht, kur kisha shënon festën e madhe të krishterë – Shpërfytyrimin e Zotit, lejohet peshku. Gjatë pjesës tjetër të kohës lejohen frutat, perimet, arrat dhe ushqimet pa dhjamë.

Ditët e hënë, e mërkurë dhe e premte të Kreshmës së Virgjëreshës janë “të thata” - lejohen vetëm frutat dhe perimet e papërpunuara, buka kafe, ullinjtë dhe frutat e thata.

Të martën dhe të enjten lejohen ushqimet e gatuara pa yndyrë.

Të shtunave dhe të dielave lejohen ushqime të gatuara me pak vaj ose vaj ulliri dhe pak verë të kuqe.