Takimi i parë i organizuar nga “Ka një popull të tillë” (ITN) për të kërkuar mbështetje për formimin e një qeverie më mandatin e tretë përfundoi me dështim. Nga gjashtë të ftuarit nga grupi i shpërbërë i “Veliçie”, i afërt me themeluesin e partisë Ivelin Mihaijlov, erdhi vetëm një deputete - Krasimira Katinçarova. Ajo e vuri si kusht – mbështetjen e idesë së tyre që Termocentrali Bërthamor “Belene” të ndërtohet nga Ukraina, por “Ka një popull të tillë” e cilësoi kërkesën si të paplotësueshme. Ndërkohë, tre nga formacionet kryesore parlamentare konfirmuan qëndrimin e tyre se nuk do të mbështesin një kabinet me mandat të ITN-së. Denica Saçeva nga GERB-SDS komentoi se është mirë që të mbahen takime që janë bazë për Kuvendin e ardhshëm Popullor. Skepticizëm u shpreh edhe PP-DB, ndërsa DPS-ja e udhëhequr nga Deljan Peevski edhe një herë shprehu qëndrimin e saj se mandati i tretë duhet të kthehet menjëherë.
Rritja e pagës minimale (PM) mbështetet nga 54.1% e bullgarëve. Një e treta e të anketuarve mendojnë se PM duhet të jetë e barabartë me pagën e nevojshme për jetesë. Këto tregojnë rezultatet e një sondazhi përfaqësues të agjencisë “Mjara”, i porositur..
Çmimi mesatar i banesave të blera në Sofje në tremujorin e tretë të vitit 2025 arriti në 2,310 euro/m², që është një rritje vjetore prej 25.5%, sipas të dhënave nga Bulgarian Properties. Ndërtimet e reja mbeten më të preferuarat, por mungesa e..
Botimi i katërmbëdhjetë i DiVino.Taste – forumi më i rëndësishëm i përkushtuar verës bullgare dhe mjeshtërve të saj – do të mbahet nga 28 deri më 30 nëntor në Qendrën Inter Expo në Sofje. Në të do të prezantohen mbi 80 prodhues nga të gjitha rajonet e..