Për herë të parë në historinë e re të zgjedhjeve bullgare, rezultati përfundimtar i zgjedhjeve lë jashtë Parlamentit një parti me një rezultat prej 3,999% (partia "Veliçie") për shkak të mungesës së 21 votave. Kështu thuhet në një qëndrim të Këshillit Publik drejtuar Komisionit Qendror të Zgjedhjeve (KQZ) me rastin e zgjedhjeve të parakohshme parlamentare të mbajtura më 27 tetor.

Rasti i mëparshëm më i afërt i tillë ishte rezultati i NFSB-së (Fronti Kombëtar për Shpëtimin e Bullgarisë) në vitin 2013 me 3.7% të fituar, por kjo përqindje përfshinte mbi 10 500 vota të pamjaftueshme. Vihet re se një sasi kaq e vogël votash është e rendit të gabimeve të paqëllimta të bëra nga Komisioni Seksional Zgjedhor gjatë hartimit përfundimtar të protokollit, por nuk mund të përjashtohen еdhe gabimet e qëllimshme. Theksohet se gabime të tilla nuk do të lejoheshin në një votim makinerie.

Kryeministri në detyrë Dimitër Gllavçev sot ka raportuar se shteti ka menaxhuar me sukses organizimin e zgjedhjeve. “48 përfaqësues të popullit janë në të drejtën e tyre për të kërkuar anulimin e zgjedhjeve dhe Gjykata Kushtetuese duhet të vendosë nëse do të ketë anulim apo jo, në varësi të provave që do t'i ofrohen”, tha Gllavçev për mediat i bindur se të gjitha dyshimet për procesin zgjedhor duhet të hiqen.