Punonjësit e Agjencisë Telegrafike Bullgare (BTA), Televizionit Kombëtar Bullgar (BNT) dhe Radios Kombëtare Bullgare (BNR) do të zhvillojnë një miting proteste këtë të enjte, më 15 maj, përpara ndërtesës së Universitetit të Sofjes "Shën Klementi i Ohrit", njoftoi BTA, ku do të bëhet një kërkesë për sigurimin e fondeve nga buxheti për rritjen e pagave. Aksioni protestues u njoftua sot në një konferencë për shtyp në Klubin Kombëtar të Shtypit të BTA-së nga organizatorët e protestës - organizatat sindikale të Konfederata e Sindikatave të Pavarura në Bullgari (KNSB) dhe Konfederatës së Punës "Podkrepa".
Protesta e punonjësve në tre mediat është nën titullin "Puna në media ka vlerë" dhe do të fillojë në orën 12:00. Në të njëjtën kohë, u njoftuan veprime proteste në qendrat rajonale të tre mediave në vend.
Kërkesa e punëtorëve është për një rritje minimale prej 15% të subvencioneve për tre mediat, si më poshtë: për Radion Kombëtare Bullgare (BNR) – 5 milionë leva, për Televizionin Kombëtar Bullgar (BNT) – 6 milionë leva dhe për Agjencinë Telegrafike Bullgare (BTA) – 3 milionë. Kërkesat totale arrijnë në 14 milionë leva, tha Todor Kapitanov nga KNSB.
Organizatorët e protestës kërkojnë gjithashtu një takim me Ministrin e Financave për të diskutuar opsionet dhe mundësitë që rritja e kërkuar të zbatohet.Redaktoi: Darina Grigorova
Foto: BTA
Përgatiti në shqip dhe publikoi: Vesella Mançeva
Gjyqtarët u shprehën kundër instalimit të një agjenti të ri antivirus në kompjuterët e tyre. Magjistratët shprehin shqetësim se ai do të shkelë të gjitha rregullat për mbrojtjen e të dhënave personale, si dhe pavarësinë e gjyqësorit. Me një letër..
Lideri i GERB-it, Bojko Borisov, deklaroi në korridoret e parlamentit se Bullgaria do të bëhet anëtare e eurozonës më 1 janar, pavarësisht protestave të organizuara nga përfaqësues të PP-DB. Ai komentoi thirrjet e opozitës për protesta kundër..
Kufijtë nuk mund të ndryshohen me forcë dhe siguria afatgjatë e Ukrainës duhet të garantohet. Këtë e deklaroi kryeministri Rosen Zheljazkov në një videokonferencë të “Koalicionit të të gatshmëve“, të udhëhequr nga presidenti i Francës, Emmanuel..
Vranësira
Vranësira
Vranësira të dendura